Accessibility links

Кайнар хәбәр

Latin xärefläre mäsäläse fänni yaqtan öyränelmägän bulğanmı?


Karnegi fondı häm federalizm institutı oyıştırğan grajdanlıq cämğiäte turındağı konferensiä 3nçe iyündä däwam itte. Pänceşämbe könne konferensiädä latin grafikasın küçü mäs’äläse häm anıñ tiräsendäge säyäsi xällär qaraldı. Älege temağa uqılğan notıq fänni cıyında bäxäs kiterep çığardı. Tatarstan äle latin grafikasına küçärgä äzer tügel. Säyäsät fännäre doktorı Rafiq Möxämmätşin, üzeneñ notığında şundıy näticä yasadı. Anıñ uylawınça, latin imlasındağı yazınu qaytaru mäs’äläse fänni yaqtan öyränelmägän bulğan, problema nigezdä säyäsi faktorlardan tora, tatar zıyalıları latin xärefläre törki xalıqlarğa yaqınayırğa mömkinlek birer digän fikergä zur iğtibar birep, Mäskäwneñ açuın çığarğan. Yäğni üzläre uq bu mäs’älägä säyäsi tösmer birgän. Tatarstan Prezidentı da, Dumanıñ latin xäreflären röxsät itmägän qararına bäyä birgändä, milli yäki fänni yaqtan tügel, ä wäqälätlärgä tıqşınu yağınnan qaraş beldergän. Rafiq Möxämmätşin çığış yasağaç, aña küp sorawlar birelde, häm bäxäs kilep çıqtı.

Mäsälän tarixçı Damir İsxaqov, mäs’äläneñ fänni yaqtan bik citdi itep öyränelgänen äytte. Ul şulay uq Tatarstan yuğarı citäkçelegeneñ latin imlasına qaraşın üzgärtmägänen belderde. Misal itep ul, parlamentnıñ bu mäs’älädä Rusiä Konstitutsiä mäxkämäsenä möräcäğät itüen kiterde.

Ğalim Damir İsxaqov çığışınnan soñ, Tarix İnstitutı direktorı Rafael Xäkim süz aldı. Ul latinnı qabul itep qaraw tarixında bulğan waqiğalarnı butaştırmasqa çaqırdı. Rafael Xäkim fikerençä, cämğiättäge bäxäslär latinğa küçü kiräkme yuqmı digän mäs’älädä tügel, ä nindi xäreflärne qabul itärgä digän soraw tiräsendä barğan. Rafail Xäkim mäs’äläneñ nigezdä säyäsi bulğanın äytte.Konferensiägä yomğaq yasağan Mäskäw däwlät xalıqara mönäsäbätlär institutı professorı Aleksey Malaşenko, xoquqlar yaqınnan bügenge cämğiättäge xällär borçu uyata, dip belderde häm andıy fänni fiker alışularnı yışraq ütkärergä çaqırdı.

Bikä Timerova.
XS
SM
MD
LG