Accessibility links

шимбә, 3 декабрь 2016, Казан вакыты 05:33

Tatnetta da Saban tuylar çorı


Saban tuylar çorı başlanuı İnternet dönyasında da iğtibardan çittä qalmadı. Küpçelek säxifälärdä milli bäyrämnärneñ ütkärü köne häm urını turında xäbärlär basılğan. Tatarlar.ru mäsälän Rusiä ölkälärendä Saban tuylarnı ütkärü könnäre turında mäğlümat birsä, Almaniä tatarların internet säxifäsendä Berlin, Praga, Müchenda Saban tuylarnı ütkärü könnäre yazılğan. Mäsälän, Pragadağı millättäşlärebez inde milli yolanı ütkärgän bulsa, Berlindağı çara äle 13 yündä genä bulaçaq, ä München tatarları ay axırında, 26 yündä bäyräm itärgä cıyına. Qazaqstan tatarlarınıñ saban tuyı 29 iyündä bulası ikän. Bu xaqta andağı millättäşebez alıp bara torğan xat törkeme, yäğni yahoo.com saytındağı tatarlar törkeme, xäbär itte. Almatada, şul könne kiç, äle tatarça kiçke uyınnar da ütkärelergä tieş ikän. Alarnıñ niçek ütüe xaqında şul uq, tatar.kz saytı yäki tatar-xat törkeme xäbär itär.



Amerika häm Avstraliä Saban tuyları xaqında internetta xäbärlär kürenmi, ä menä Rusiä ölkälärendä, şähär, tatar rayonnarında här şimbä-yäkşämbe sayın milli bäyrämebez ütkäreler, dip kötelä. Bu xaqta küpçelek tatar internetta säxifälärendä mäğlümat tabıp bula.

Tatnetnıñ yañalığı: Ğlobal çeltärneñ tatar öleşe yañalıqlarına bağışlanğan yaña xat törkeme açıdı. Anı «Tatar internetı» xalıqara oyışması wäkile Aynur Sibğätullin alıp barırğa niätli. Törkem Subscribe.ru serverı aşa alıp barılırğa tieş. Ägär sez dä tatar internetı xäbärlären e-xatqa alıp barırğa telisez ikän, subscribe.ru saytında katalokta «tatnet news» digän bülekne saylağız. http://subscribe.ru/catalog/inet.region.tatnet/rules

«Azatlıq» radiosınıñ xäbärlärenä dä yazılırğa bula äle. Anıñ öçen barı tik «Azatlıq» radiosınıñ internet säxifäsenä kerergä kiräk. Adresı şul uq, www.azatliq.org. Tapşırulıbızğa qarata äyter süzegez bulsa, miña yäki «Azatliq» radiosı xäbärçelärenä xat yaza alasız. Elektron adreslarnı, şulay uq, www.azatlıq.org adresında urnaşqan säxifäbezdä tabıp bula. Anda «kontakt» digän bülekne saylap kersägez, barlıq telefon häm e-mail adreslarnı küräçäksez.

Bikä Timerova, bikä@azatliq.ru

XS
SM
MD
LG