Accessibility links

Кайнар хәбәр

Şıği citäkçe Moqtada as Sadr Ğıyraqnıñ yaña xökümäten tanımawnı belderde


Ul barı tik, amerikan-britan administratsiäse qatnaşınnan başqa, xalıq tarafınnan saylanıp quyılğan xäkimiätne genä xuplayaçaq dip xäbär itä. Bügen Bağdadta xärbi kolonnağa höcüm waqıtında 4 amerika xärbie yaralanğan. Bağdadta amerika xärbi kazarmalarına höcüm itkän Moqtada as Sadr suğışçıları belän koalitsiä ğäskärläre arasında bäreleşlär yañadan başlandı. 30 yünnän soñ xäkimiät tapşırılaçaq yaña küçeş xökümäte, iminlek mänfägätlärennän çığıp, koalitsiä ğäskärläreneñ alğa taba da Ğiraqta qaluın teli. Bügen bu xaqta Berläşkän millätlär oyışmasınıñ iminlek şurasında çığış yasağan, Ğiraqnıñ tışqı eşlär ministrı Xoşiär Zebari belderde. Şul uq waqıtta ul, koalitsiä ğäskärläre belän waqıtlı xökümät arasında mönäsäbätlärne açıq kürsätä torğan rezolyutsiä dä qabul itärgä çaqırdı.
XS
SM
MD
LG