Başqortostanda Ufağa zur külämdä narkotik kiterüçe törkem zarasızlandırğan. Cinayätçelär militsiä xezmätkärläre. Rusiäneñ mäğlümät ağentlığı xäbärlärenä qarağanda, cinayatçelär üzläreneñ şäxsi xezmät tanıqlamaları yärdämendä narkotiklarnı bernindi totqarlıqsız kiterä alğan. Eçke eşlär ministrlığı polkovniğı häm ber mayor totqarlanğan. Polkovnik uzğan yıl may ayında eşennän alınğan bulğan häm tikşerü farazlarına qarağanda şul waqıt eçendä Qazaxstannan 50 kiloğrammğa yaqın marixuana alıp qaytqan. Xäzerge waqıtta xoquq yaqlawçı oyışma xezmätkärläre narkotiklar xäräkät itkän yulnı tikşerä. Anda Başqortostan eçke äşlär ministrlığınıñ başqa xezmätkärläre dä qatnaşqan bulırğa mömkin dip farazlana.
