"İnterenergoservis" rusiä şirkäteneñ 41 xezmätkärläre Ğädättän tış xällär ministrlığı oçqıçı belän Bağdadtan Mäskäwgä qaytıp citte. Baştaraq Bağdadtan barlıq belgeçlär dä qaytaçaq dip xäbär itelsä dä, 10 xezmätkär Ğiraqta qalğan. Alar arasında awır yaralanğan Anatolıy Korenkov ta bar. Tabiblar anı alıp qaytırğa röxsät itmägän. Korenkov uzğan atnada Bağdad yanındağı höcüm waqıtında yaralanğan ide. Ul waqıtta "İnterenergoservis" şirkäteneñ ike xezmätkäre hälaq buldı.
