Accessibility links

шимбә, 10 декабрь 2016, Казан вакыты 11:55

Qazanğa tağın Sergey Stepaşin kilde


Düşämbe könneñ töp yañalığı - Rusiä xisap palatasınıñ citäkçese Sergey Stepaşinnıñ Qazanğa kilüe. Qırın eşlärne tikşerep, faş itä torğan bu oyışmanıñ här adımı bik küplärneñ küñelenä şom sala. Xisap palatasınıñ ber törkeme küptän inde Tatarstandağı xällärne öyränä. Şul palatanıñ citäkçese Stepaşinnıñ Qazanğa kilüe qarşılıqlı fikerlär uyattı. Respublika citäkçeläre anı küptän belälär häm ışanıç belän qarıylar. Sergey Stepaşin qazanğa kilep töşkäç tä, anıñ belän yuğarı däräcädäge citäkçelär oçraştı. Stepaşin Tatarstanğa elek tä küp tapqırlar kilde. 1999 yılnıñ cäyendä Rusiä xökümäte başlığı sıyfatında ul Ul'yanovskidan İdel buylap Qama Tamağı rayonına kilgän ide. Näq şunnan ul Dağstanda başlanğan waqiğalar säbäple Tönyaq Kavkazğa kitep bardı. Tizdän Stepaşin premyer-ministr wazifasınnan azat itelde häm şul yılnıñ közendä yañadan Qazanğa kilep, Yabloko firkäsennän Duma deputatına kandidat bularaq, çığış yasap yörde. Ul kilüendä anı barı tik Eçke eşlär ministrı ğına qabul itsä dä, Qazan Stepaşinğa yaxşı mönäsäbät kürsätte. Ä inde xäzerge kilüendä Stepaşinğa bik zur iğtibar birelä. Sanaşular, oçraşular näticäseneñ nindi bulasın xäzergä äytü mömkin tügel.

Rimzil Wäli

XS
SM
MD
LG