Accessibility links

җомга, 9 декабрь 2016, Казан вакыты 20:29

Tatarstan hönäriläre xezmätkärlärne närsädän yaqlıy?


Tatarstan hönärilär berlege dä gomümrusiä qarşılıq aksiäsendä qatnaşa. Hönärilär berlegeneñ 20 wäkile Mäskäwdä Xökümät yortı qarşındağı mitingta qatnaştılar inde. Ä kiçke dürttä Hönärilär berlege Qamal teatrı binası qarşında miting ütkärde. Tatarstan hönärilär berlege xezmät keşesen närsädän yaqlıy soñ? Ximiä sänäğäte xezmätkärläre berlegeneñ oyıştıru bülege mödire Rafaq äfände belän miting barışında qorğan äñgämäbezne şunnan başladıq. Ul byudjetçılarnıñ xezmät xaqları tormış alıp barırlıq tügel, Tatarstanda toraq-kommunal' xezmäte tarifları İdel buyı regionnarı arasında iñ yuğarı- di. Şul uq waqıtta Rusiädä sotsial' yaqlawnı tuqtata torğan qanun proyektları äzerlilär. Hönärilär berlege xezmätkärlärne kemnän yaqlıy soñ? Bu sorawğa cawapnı Rafaq äfände-“ Rusiä konstitutsiäsendä anıñ sotsial' däwlät buluı turında yazılğan”-dip iskärtüdän başlıy. Şulay itep mitingta aktual' problemalar quyıla. “İşeterlärme monı östägelär?”-dip uylıy xalıq. İşetüen işettelär. Hönärilär berlege räise Tat'yana Vodop'yanova xäzer bit Tatarstan Däwlät Şurası deputatı. Däwlät Şurasınıñ Kommunistlar fraksiäse dä tulı sostavı belän diärlek mitingqa kilgännär ide. Yunıs Ätnäle.

XS
SM
MD
LG