Däwlät Duması tikşergän sotsial taşlamalarnı aqça belän tüläw turındağı qanun proyektı xaqında Tatarstan däwlät şurası räise Färit Möxämmätşin, taşlamalar sistemın tärtipkä salırğa kiräk, läkin iñ möhime, xalıqnıñ tormış däräcäse tübän töşmäskä tieş, dip belderde. Xäzerge köndäge taşlamalardan barlıq keşe dä tulısınça faydalana almıy, bu yaqtan qarağanda Rusiä Federätsiäse xökümäteneñ anı aqça belän alıştıru täqdime döres. Läkin bez, keşelärneñ saylaw xoquqı bulırğa tieş digän fikerdä torabız. Telägän keşe taşlamalardan faydalansın, telägänenä anıñ baräbärenä aqçasın alu mömkinlege bulsın, dip belderde, Färit Möxämätşin. Anıñ süzlärenä qarağanda donor töbäk bulğan Tatarstannı, bu reformanı tormışqa aşırır öçen federal büdjetqa östämä salım tülärgä kiräklege dä borçıy.
