Ğiraqnıñ Nacaf şähärendä cirle politsiä belän radikal şığilar liderı Moqtada as Sadr suğışçıları arasındağı bäreleşlärdän soñ, kimendä ike keşe üterelgän, 20dän artığı yaralanğan. Bu qanlı bäreleş politsiä berniçä suğışçını totqarlarğa tırışqan waqıtta başlanıp kitkän. As Sadr suğışçılarınıñ küpçelge, uzğan atnada qabul itelgän kileşü näticäsendä, Nacaftan kitte. Läkin küp bulmağan törkem äle xaman da şähärdä yäşerengän. Amerika ğäskärläre şähärdän çığarılğannan soñ, biredä tärtipne Ğiraq politsiäse saqlıy.
