Accessibility links

якшәмбе, 4 декабрь 2016, Казан вакыты 13:15

Tatarstanda mäçetlär açıla, çirkäwlär tözelä


Şuşı könnärdä Tatarstan diniä näzaräte räise möfti Ğosman xäzrät İsxaqi Aznaqay rayonında awıl mäçete açuda qatnaştı. Xäzerge zamanda mäçet tözügä şöker ber nindi qarşılıq yuq. Şäxsän üz xisabına mäçet saluçılarda küp. Läkin bik kiñ bik güzäl mäçetlär salınğaç açu tantanaları ütkäç bikläp quyıla- yörüçelär bulmıy. Şuña kürä olısın yäşen din sabağına uqıtu probleması kilep tua. Soñı yıllarda Diniä näzaräte eşne şul yünäleştä alıp bara. Aznaqay rayonınıñ 300 yortlı Käkre awılında mäçet yanında mädräsä eşli başlağaç mäxällä tormışı canlanıp kitkän. Comğa namazlarına yörüçelär sanı şaqtıy artqan. Mondıy dini ğilemgä uqıtu oyışmaların xoquq yaqlaw oyışmaları kontrol'dä tota. 10 iyün könne Qazanda Tatarstan Yuğarı mäxkämäse respublika prokurorı Kafil' Amirovnıñ Çallı möxtäsibätendäge “Därüssälam” digän oyışmanı beterü turındağı ğarizasın qänäğätländerde. Prokuror älege oyışma ike yıl däwamında tieşle litsenziäsez uqıtu eşläre belän şöğellänep federal' qanunnarnı bozdı dip sanıy. Mäxkämä dä älege oyışmanı häm Diniä näzaräten yaqlawçı yurist Nazim Gaynetdinov prokurorğa qarşı kilmäwlären, yäğni “Därüssälam” oyışmasın yabu belän kileşülären beldergän. Çönki bu oyışmanıñ litsenziä alırlıq, uqıtu protsessın alıp barırlıq matdi xäle yuq ikän. Qazanda Novomuçiniklar xramı salu başlanğıçı belän yörüçelärneñ dä äle aqçaları yuq. Pravoslav ruxaniları häm ” Äfganstan suğışı invalidlarınıñ respublika ictimaği oyışması” çirkäw saluda yärdäm sorap Qazan xalqına möräcäğät ittelär. Çirkäw, çasovnya häm çirkäw mäktäbe kompleksı salu öçen ber yarım gektar cir häm 111 million sum aqça kiräk bula ikän. Yunıs Ätnäle.

XS
SM
MD
LG