Amerikalılar 94 nçe yäşendä wafat bulğan, AQŞnıñ 40nçı prezidentı Ronald Reagan belän xuşlaşa. Amerika başqalasına 165 il wäkilläre, il citäkçeläre, säyäsät häm ictimağıy eşleklelär kilde. Alar arasında Germaniä kanslerı Gerhard Şröder, Britaniä premier-ministrı Tony Blair, Afğanıstan citäkçese Xämid Qarzay, Ğiraq prezidentı Ğazi äl Yäwir bar. Reagan belän sawbullaşuda qatnaşqan distälärçä meñ keşe arasında SSSRnıñ elekke prezidentı Mixail Gorbaçev ta bar ide. Waşingtonda mätäm çaraları ütkännän soñ, Reagannın cäsäde Californiaga qaytarılaçaq häm Los Angelesta, üz isemendäge kitapxanä törbäsenä kümeläçäk.
