Paqıstannıñ Afğanıstan belän çiktäş Könyaq Waziristan wiläyätendä, xökümät gäskärläre belän Äl Qäidä suğışçıları häm taliblar belän bäreleşlärdä öç kön eçendä kimendä 50 keşe hälaq bulğan, şularnıñ 15e xärbilär. Xärbilär süzenä qarağanda başta taliblar xärbilärgä höcüm itä, şunnan soñ qarşı atışlar başlana. Paqıstan xäkimiätläre suğışçılar Paqıstanğa Afğanıstannan kerä, taliblar yaqlı bulğan cirle ıruğlar yärdämendä çik buyı rayonnarında yäşerenep tora, dip belderä.
