Accessibility links

чәршәмбе, 7 декабрь 2016, Казан вакыты 13:45

Ğiraqta tışqı eşlär ministrı urınbasarı Bassam Salix Kubba üterelgän


Bügen Ğiraqta tışqı eşlär ministrı urınbasarı Bassam Salix Kubba üterelgän. Bilgesez keşelär aña irtä belän eşkä barğanda ut açqan. Xökümätkä kergänçe ul New Yorkta, Berläşkän Millätlär oyışmasında Ğiraq wäkile, annarı Qıtayda ilçe bulıp eşlägän. Ğiraqtan kilgän tağın ber xäbärgä qarağanda, bügen Fallucada, şuşı atnada totıq itep alınğan Törkiäneñ 7 tözüçese irekkä çığarılğan. Totıq aluçılar Ğiraqta eşlägän törek şirkätlären, eşlären tuqtatıp, amerikannarnıñ Ğiraqta qaluına qarşı çığarğa taläp itkän ide. Törek räsmiläre äytüençä, totıqlar xäzer Mosulğa kiterelgän, alarnıñ xäle yaxşı. Ul arada atnakiç könne totıq itep alınğan ber Livan keşese üterelgän dip xäbär itelä. Anıñ belän bergä urlanğan tağın 2 keşeneñ yazmışı älegä bilgesez. Nixayät, tağın ber xäbär: şiğilarınıñ radikal citäkeçese Moqtada Äl-Sadr, Ğiraqnıñ yaña xökümäte Amerikan xärbilären qaytarıp cibärü östendä eşläsä, bu xökümätne xuplayaçağın belderde.

XS
SM
MD
LG