Accessibility links

шимбә, 10 декабрь 2016, Казан вакыты 00:26

30 Yün yaqınlaşqan sayın Ğiraqta räsmilärgä qarşı xäcümnär arta


30 Yün, xakimiätne yaña xökümätkä tapşıru köne yaqınlaşqan sayın, Ğiraq räsmilärenä qarşı xöcümnär artaçaq digän farazlar, çınğa aşa sıman. Kiçä tışqı eşlär ministrı urınbasarı Bassam Salix Kubba üterelgän ide. Bügen bilgesez keşelär Mäğärif ministrlığı räsmie 63 yäşlek Kamal Äl-Carra''ğa ut açqan. Küp sanlı yaralardan ul xastaxanädä wafat bulğan. Xastaxanä tabibı doktor Hädäd süzlärençä, Kamal bik awır xäldä kiterelgän:

Audio (Hädäd)

"Ul irtänge 7:35tä bik awır xäldä kiterelde. Aşığıç yärdäm bülmäsenä saldıq, läkin berençe yärdäm kürsätep ölgermädek, ber minuttan ülde. Xäle bik awır ide: kükräk, eç, ayaq, qullar – barısı da yaralanğan."

Berniçä sägättän, Bagdadta Amerikan xärbiläreneñ xärbi nığıtması yanında maşinağa quyılğan bomba şartladı. Näticädä kimendä 7 keşe xäläk bulğan. Şul sanda, bu maşinanı tuqtatırğa tırışqan Ğiraqnıñ politsiä xezmätkärläre. Şulay uq bügen, Bagdadnıñ "Yäşel zona" dip atalğan bistäsenä raketa xöcüme yasalğan. Yaxşı saqlanğan bu bistädä amerikan idaräse urnaşqan. Sadamnıñ elekke sarayında, idarä başlığı Paul Bremer ofisları. Qorbannar yuq, ämmä ğisyançılarnıñ raketa qullanuwı üzgäreş, dielä. Moñarçı alar "Yäşel zonağa" bombalı maşina, yä granatometlar belän xöcüm itä ide.

Ali Gilmi, Praga
XS
SM
MD
LG