Accessibility links

пәнҗешәмбе, 8 декабрь 2016, Казан вакыты 21:10

Yevropa Berlege tışqı eşlär ministırlarınıñ oçraşuı turında


Yevropa Berlegeneñ tışqı eşlär ministırları bügen Luxemburgta aylıq cıyılışların ütkärä.Oçraşuda Bloknıñ iyünneñ 17-18nçe könnärendä ütäçäk summitına äzerlek, konstitutsiä turında söyläşülärne tämamlau kebek mäsälälär belän berrättän köntärtibendä, Berlekneñ Ğıraq turındağı yaña strategiäse, İran belän körçekkä terälgän mönäsäbätlär , Äfganstandağı saylawlarnı küzätü häm Yaqın könçığış tınıçlıq protsesı tora

Yevropa Berlegeneñ Ğıraq strategiäse 3fazadan tora. Bu ay azağında suverenlekne ğıraqlılarğa tapşırudan alıp , waqıtlı saylawlar häm sonğı çiktä 2005nçe yıl azağında tulısınça irekle saylawlar ütkärüne küzdä tota bu strategiä.Yevropa Komissiäse süzçese Emma Udwin (audio) Yevropa Komissiäseneñ 3 fazadan torğan urta möddät strategiäse , şunduq, saylawlardan soñ häm yañadan tözekländerü wä Ğıraq belän mönäsäbätlärne normalläşterüne küzdä totqan ara fazadan tora.Äğza illär moñı yaxşı qabul itte dip äytä alam. Tışqı eşlär ministırları bügen häm xökümät başlıqları comğa könne anı küzdän kiçeräçäk, min bu Ğıraq belän säyäsi häm diplomatik mönäsäbätlär urnaştıru öçen nigez bulaçaq dip kötäm dip äytte Emma Udwin. Tışqı eşlär ministırları Ğıraqtağı sonğı xällärne köndezge aş waqıtnda tikşerde. Yevropa Berlege waqıtlı Ğıraq xökümäteneñ ber ministırın Brüselgä çaqırırğamı ällä oyışma anda üz wäkilçelegenme cibärsen digän mäsälädä qarar birä almıy tora. Moña Ğıraqtağı iminlek xälläre säbäp.Komisiä iminlek şartları röxsät itkän oçraqta Bagdadta üz ofisın açaçaq. . Yevropa Komissiäse tizdän Yordaniä başqalası Ammanda üz burosın aça. Oyışmanıñ körtärtibendä Ğıraqnıñ sivil cämğiäte belän elemtälärne arttıru da tora. Comğadağı sumit Berlekneñ Ğıraq häm ğomumän Urta Dingezneñ könçığışındağı Ğäräb illäre strategiäsen dä qabul itär dip kötelä.Anda politik dialogtan ayrım säwdädä taşlamalar da täqdim itelä. İran turında tışqı eşlär ministırları ällä ni ozaq waqıt söyläşerlär dip kötelmi. Çönki Venada Xalıqara Atom Energiäse Agentlığı idaräse cıyılışında İran töp urında tora..Berlekneñ 11 äzğası Agentlıq idaräsendä utıra.Ämma İrannıñ atna azağında atom klubına kerergä xoquqı bar dip belderüe , debatlarnı qızulandıraçaq dip kötelä. İrannıñ atom säyäsäte Berlekneñber yıl elek säwdä söyläşülären tuqtatuğa kitersä dä, Yevropa Berlege räsmiläre Tehran belän dialognı däwam itterü yağında tora .Alar keşe xoquqları mäsäläsenä bigräk tä basım yasıy, çönki bu tör dialog qayber uñay üzgäreşlärgä alıp bardı . İran zina qıluçılarnı taş atıp üterügä moratorium quydı, häm BMOnıñ qayber küzätüçelären qabul itte. Ämma keşe xoquqlarınıñ torışı , sonğı saylawlar şulayuq süz iregeneñ bulmawı ğomum qänäğätsezlekkä säbäp bula,. Äfganstanğa kilgändä Yevropa berlege tışqı eşlär ministırları sintäber ayında bulaçaq saylawlarnı küzätü öçen keçkenä törkem cibärü turında qarar biräçäk dip kötelä. Yevropa Komisiäse süzçese Emma Udwin bu xaqta bolay di(audio) Yevropa Berlegeneñ zur täcribäse bar,küzätüçelärebezneñ dönyanıñ törle urınnnarında saylawlarnı qarap baruına yuğarı bäyä birelä.İminlek şartları säbäple personal ilneñ qayber öleşlärenä barıp citä almayçaq , eşen cünläp başqara almayaçaq , Bez eşebezne yarım yortı başqarıp abruyıbıznı töşerärgä telämibez. Ämma äfgannnarnı yaqlaubıznı kürsätü öçen bez anda üz keşelärbezne cibäräçäkbez , äğza illärdän cibärsennär dip sorıyaçaqbız, şulay da bu missiä qayber urınnarda ğına bulaçaq, normaldä bez eşlägän kebek kiñ külämdä saylawlarnı qarap bara almayaçaq digän fiker beyan itä Udwin xanım. Küzätüçelärne xärbilär saqlayaçaq urınğa tulı küzätüçe missiäse cibärelä almayaçağı añlaşıla Älegä Qabulğa 20-25 häm qayber başqa şähärlärgä 8küzätüçe cibäreler dip uylanıla. Berlekneñ tışqı eşlär ministırlarınıñ köntärtibendä yaqın könçığış tınıçlıq protsesı ,Balkannnar da tora

färidä xämit, praga
XS
SM
MD
LG