Qaysıberdä Başqortstanda da ğädellek ciñep çığa ala ikän. Respublika cämägätçelegeneñ ber öleşe Ufadağı «Ogni Ufı» dip atalğan küñel açu üzäge tiräsendäge tartqalaşnıñ şuşı üzäk faydasına xäl itelä baruın işetep şuşı fikergä kilgänder, möğayın. Başqala xakimiätläreneñ törleçä kirtälär qorıp älege küñel açu üzägen açuğa qarşı toruı xaqında uzğan tapşırularıbızda da söylägän idek, xörmätle tıñlawçılar. Respublika prezidentı maxsus belderü belän çıqqannan soñ, başqala xakimiäte älege üzäk tiräsendä kilep tuğan xälne uñay çişärgä alınğan ide. Ütkän yal könnärendä bu üzäk aldında yazıp elengän yazular yuqqa çıqtı. Ul elenmä yazmalarda «Bezgä eşlärgä irek birmilär, şuña kürä bez açlıq iğlan ittek» digän belderülär bar ide. Ul yazular alıp taşlanğaç, dimäk mäsälä uñay xäl iteläder. Şunı belü öçen bez, sişämbe könne irtänge eş säğätläre başlanğaç ta, «Ogni Ufı» küñel açu üzägenä telefonnan şaltıratıp, anıñ direktorı Aleksandr Filippov belän söyläşep aldıq. Filippov äfändeneñ käyefe yaxşı ide. «Problema xäl itelep kilä, bezgä bülengän cir bilämälären bezneñ şirkät isemenä terkäwneñ döres buluı xaqında röxsät qäğäze alındı, – dide äñgämädäşebez. – Xäzer inde restorannı häm başqa xezmätlärebezne eşlätä başlaw öçen kiräk bulğan qäğäzlärne tuplap beterü xästärleklären küräbez. Bu eşlärne ike – öç atna eçendä tämamlarbız dip torabız».
Şulay itep Ufa üzägendä bıltır cäy könnärendä ük tözelep betkän matur binanı häm andağı küñel açu üzägen räsmi açıp eşlätä başlaw öçen andağı xezmätkärlärgä açlıq iğlan itügä qädär barıp citärgä turı kilde. Xäzer inde ğädellek ciñde dip äytergä häm şatlanırğa bula.
Ämma ber cirdä ğädellek ciñsä, Başqortstanda ikençe cirdä başqa cäncal kilep çığıp qına tora. 15 iyün könne Dürtöyle rayonınnan küñelsez xäbärlär kilde. Anda «Tañ» dip atalğan ber xosusıy şirkätneñ eşçeläre, rayon xakimiätläreneñ bu şirkätneñ eşenä ayaq çalularına qarşılıq yözennän, açlıq iğlan itkän. Älege şirkätneñ rayon xakimiätläre belän tartqalaşuları xaqında soñğı aylarda qayber bäysez mäğlümat çaralarında xäbärlär kürengälägän ide. Ämma anda xälneñ açlıq iğlan itügä barıp citärlek citdi bulaçağın berkem dä uylamağandır da. Ni säbäple kilep çıqqan soñ älege ğawğa? Ni öçen rayon xakime Rawil Däwlätov uñışlı eşläp kilgän bu şirkätkä qanığa ikän? Qayber xäbärlärgä kürä, awıl xucalığı produqsiäse eşkärtüçe häm säwdä belän şöğellänüçe, yäşlärgä yal itü urınnarı buldıruçı bu qompleksta bügenge köndä 120 keşe eşli ikän. Şirkät moñarçı barlıq salımnarnı häm başqa çığımnarnı däwlät qaznasına üz waqıtında küçerä barğan. Bügenge köndäge wäzğiätne häm bu tartqalaş säbäplären belü öçen bez «Tañ» şirkäteneñ citäkçese Rinat Säxibzadin belän elemtägä çıqtıq. Anıñ söylägännärennän ber näticä çığa – älege tartqalaşta rayon xaqimiäte başlığı Rawil Däwlätovnıñ şäxsi mänfägätläre bar. Ul «Tañ» şirkäte yanındağı cir bilämäsen tartıp alırğa teli ikän. Başqortstannıñ Dürtöyle rayonındağı «Tañ» şirkäte citäkçese Rinat Säxibzadin fikerlären Azatlıqnıñ sişämbe tapşaruında işetä alırsız. Qarşı yaqnıñ da fikeren belü öçen bez kön ozını Dürtöyle rayonı xaqime Rawil Däwlätovqa telefonnan şaltıratsaq ta, anıñ belän söyläşü nasıyp bulmadı. Bezneñ «Azatlıq» radiosınnan ikänlekne belgäç, xakimneñ sekretare, gärçä Däwlätov äfände eş bülmäsendä bulsa da, bezne anıñ telefonına yalğamadı. Dimäk, anıñ bäysez mäğlümat çaralarına älegä äyter süze, äzer cawabı yuqtır dip kenä añladıq bez monı. Dürtöyle rayonındağı bu ğawğanıñ ni räweşle üseş aluı xaqında xäbärlärne kiläçäktä dä citkerä torırbız. Ä älegä şunı ğına äytergä mömkin, soñğı ber – ike yılda bu rayonda törle cäncallar, ğawğalar, törle ğädelsezleklär turında iskitmäle xäbärlär gel genä bulıp tora. Räsmi matbuğatta alar xaqında läm – mim bulsa da, xalıq awızın yabıp bulmıy. Häm rayondağı ğädelsezleklär, xakimiätlärneñ başbaştaqlığı xaqında mäğlümatlar barıber irekle matbuğat bitlärendä çığıp tora. Rayon xakime başlığı ulınıñ qırın ğämälläre xaqında da xäbärlär rayonda kiñ taralğan. Anıñ kazinolarda baş äylänmäle zur summalarda aqça ottıruları turında süzlär küptän xalıq arasında yöri inde. Rayonda barlıq idarä itüneñ xalıqnı fäqät qurqıtuğa ğına qorılğan buluı xaqında da süzlär buş cirdän çıqmıydır. Dimäk, respublika xakimiätläre dä Dürtöyledäge xällärgä yaqın kiläçäktä iğtibar itmi buldıra almastır.
Ämma ber cirdä ğädellek ciñsä, Başqortstanda ikençe cirdä başqa cäncal kilep çığıp qına tora. 15 iyün könne Dürtöyle rayonınnan küñelsez xäbärlär kilde. Anda «Tañ» dip atalğan ber xosusıy şirkätneñ eşçeläre, rayon xakimiätläreneñ bu şirkätneñ eşenä ayaq çalularına qarşılıq yözennän, açlıq iğlan itkän. Älege şirkätneñ rayon xakimiätläre belän tartqalaşuları xaqında soñğı aylarda qayber bäysez mäğlümat çaralarında xäbärlär kürengälägän ide. Ämma anda xälneñ açlıq iğlan itügä barıp citärlek citdi bulaçağın berkem dä uylamağandır da. Ni säbäple kilep çıqqan soñ älege ğawğa? Ni öçen rayon xakime Rawil Däwlätov uñışlı eşläp kilgän bu şirkätkä qanığa ikän? Qayber xäbärlärgä kürä, awıl xucalığı produqsiäse eşkärtüçe häm säwdä belän şöğellänüçe, yäşlärgä yal itü urınnarı buldıruçı bu qompleksta bügenge köndä 120 keşe eşli ikän. Şirkät moñarçı barlıq salımnarnı häm başqa çığımnarnı däwlät qaznasına üz waqıtında küçerä barğan. Bügenge köndäge wäzğiätne häm bu tartqalaş säbäplären belü öçen bez «Tañ» şirkäteneñ citäkçese Rinat Säxibzadin belän elemtägä çıqtıq. Anıñ söylägännärennän ber näticä çığa – älege tartqalaşta rayon xaqimiäte başlığı Rawil Däwlätovnıñ şäxsi mänfägätläre bar. Ul «Tañ» şirkäte yanındağı cir bilämäsen tartıp alırğa teli ikän. Başqortstannıñ Dürtöyle rayonındağı «Tañ» şirkäte citäkçese Rinat Säxibzadin fikerlären Azatlıqnıñ sişämbe tapşaruında işetä alırsız. Qarşı yaqnıñ da fikeren belü öçen bez kön ozını Dürtöyle rayonı xaqime Rawil Däwlätovqa telefonnan şaltıratsaq ta, anıñ belän söyläşü nasıyp bulmadı. Bezneñ «Azatlıq» radiosınnan ikänlekne belgäç, xakimneñ sekretare, gärçä Däwlätov äfände eş bülmäsendä bulsa da, bezne anıñ telefonına yalğamadı. Dimäk, anıñ bäysez mäğlümat çaralarına älegä äyter süze, äzer cawabı yuqtır dip kenä añladıq bez monı. Dürtöyle rayonındağı bu ğawğanıñ ni räweşle üseş aluı xaqında xäbärlärne kiläçäktä dä citkerä torırbız. Ä älegä şunı ğına äytergä mömkin, soñğı ber – ike yılda bu rayonda törle cäncallar, ğawğalar, törle ğädelsezleklär turında iskitmäle xäbärlär gel genä bulıp tora. Räsmi matbuğatta alar xaqında läm – mim bulsa da, xalıq awızın yabıp bulmıy. Häm rayondağı ğädelsezleklär, xakimiätlärneñ başbaştaqlığı xaqında mäğlümatlar barıber irekle matbuğat bitlärendä çığıp tora. Rayon xakime başlığı ulınıñ qırın ğämälläre xaqında da xäbärlär rayonda kiñ taralğan. Anıñ kazinolarda baş äylänmäle zur summalarda aqça ottıruları turında süzlär küptän xalıq arasında yöri inde. Rayonda barlıq idarä itüneñ xalıqnı fäqät qurqıtuğa ğına qorılğan buluı xaqında da süzlär buş cirdän çıqmıydır. Dimäk, respublika xakimiätläre dä Dürtöyledäge xällärgä yaqın kiläçäktä iğtibar itmi buldıra almastır.
