Accessibility links

шимбә, 10 декабрь 2016, Казан вакыты 15:42

Russiäneñ keşe xoquqları aktivistları bu xaqta Washingtonda üz illärendäge problemalar turında söylilär.


Russiädän kilgän 4 keşe xoquqları aktivistı Washingtonda üz illärendä keşe xoquqlarınıñ torışı häm problemmalar turında mäğlümät tarattılar. Alar Memorial Oyışmasınıñ räise Arsenı Roginskı . Xoquq buyınça Bäysez Şura direktorı Mara Polyakova , Glastnostnı Saqlau Fondı başlığı Aleksey Simonov häm Mäskäv Helsinki törkeme räisäse Ludmila Alekseeva. Alar Azatlıq Radiosınnıñ Washingtondağı bürosında ütkärelgän diskussiädä dä qatnaştılar.

1981-85-nçe yıllarda törmädä utırıp çıqqan Arsenı Roginskı irekle medianıñ ähämiäten şunda öyrängän. Anıñ süzlärençä, törmädä çaqta anıñ dusı radio eşläp çığarğan häm alar anda azatlıqnı tıñlağannar.

Audio

Roginskı 70-nçe yıllarda Sovetlar Berlegendä säyäsi totqınnarnı ezärlekläv turında üznäşir materialların Parijda bastıru öçen redaksiälgän häm çıyğan. Ul tarixi, säyäsi häm ädäbi yazmaları öçen törmägä xökem itelgän ide. Xäzer ul Memorial Cämğiäten citäkli . Bu oyışma. Çeçnä häm Russiäneñ qorallı konflikt zonalarında politik ezärlekläv qorbannarın häm qaçaqlarnı yaqlıy. Başqa keşe xoquqları aktivistları kebek , bu törkem dä prezident Putinneñ yıllıq kündermäsendä keşe xoquqları häm demokratiäne yaqlauçı törkemnärne çit illärdän aqça aluda häm xalıqnıñ mänfäğätlären yaqlamauda ğäyeplägän süzlärenä iğtibar itälär. Azatlıqnıñ Washington bürosında ütkärelägn disskusiädä Russiädä vatandaş xoquqlarnıñ torışı tikşerelde , läkin, üzäk tema legal reformalar buldı. Russiädä keşe xoquqlarına qarağan qanunnarnı tikşerep, bu ölkädä yardäm kürsätep kilgän Xoquq Buyınça Bäysez Şuranıñ direktorı Mara Polyakovanıñ süzlärençä, Russiä xökümäte ildäge yustitsiä sistemasın yaxşırtırğa teläsä dä, yaña qanunnar demokratik tügel digän täsir qaldıra.

Audio

Mätbuğat ireklegen häm jurnalistlarnıñ xoquqların yaqlauçı Glastnostnı Saqlau Fondı başlığı Aleksey Simonov nıñ süzlärençä, xäzer töp ähämiät Russiäneñ kiläse buın citäkçelärenä birelä. Alar demokratiägä birelgän bulırğa tieşlär.

Audio

Ludmila Alekseeva Mäskäv Helsinki Törkemeneñ räisäse häm Xalıqara Helsinki Federatsiäsenneñ başlığı bulıp tora. Ul uzğan ğasırnıñ 50-nçe yıllarınan birle keşe xoquqların yaqlau belän mäşğül. Ul politik totqınnarğa häm alarnıñ ğailälärenä yardäm itärgä tırıştı. Alekseeva bu aktivlığı öçen SSSRdan AQŞqa quıp çığarılğan ide. Alekseeva 1993-nçe yılda Russiägä kire qayttı. Ul Russiädäge bügenge xälne 80-nçe yıllarnıñ azaqları belän 90-nçe yıllarnıñ başlarındağı vazğiät belän çağıştıra. Anıñ süzlärençä, keşe xoquqları aktivistları ul vaqıtta da köçle apparatqa qarşı köräşkän. Gärçä, diplomatlar häm başqalar Russiädä demokratiä buldıru öçen alıp barılğan köräşkä yuğarı bäyä birsälär dä, Aleksseva , monıñ eçkersezlegenä bik ük ışanmıy.

Audio

Russiädäge keşe xoquqları aktivistları, üz illärendä bu ölkädä bulğan problemmalarnı xalıqara cämağätçelekkä citkerergä tırışalar.

Färit İdelle, Praga.
XS
SM
MD
LG