Accessibility links

шимбә, 10 декабрь 2016, Казан вакыты 19:47

Qazanda “Küktaw” isemle tatarça näfis film kürsätelä


Yäş rejisser İldar Yağfarov töşergän bu “Küktaw” isemle kinofil'm 17 iyünnän Qazannıñ“Ximiklar” mädäniät sarayında irtän säğät 10.00да häm 11.30da başlana.Häm şuşı uq fil'mnıñ rusçası 21 iyündä bulaçaq. “Uniks”konsertlar zalında Zäynäp Färxetdinova belän Zöfär Bilalovnıñ konsertları tämamlandı. Aña qädär alar Seberdä yäşägän millättäşlär aldında Sabantuyda qatnaştılar. Yamala-Nenes okrugınıñ Muravlenko şähärendä hawa torışınıñ cılılığı + 2+3 gradus qına buluğa karamastan, Sabantuyda konsertnı tıñlağan xalıqnıñ küñele kütärenke , ruxı cılı bulğan.Yäkşämbe häm düşämbe könnärdä irle xatınlı Galina Wişnevskaya belän Mstislav Rostropoviç Qazanda buldılar. 13 iyündä köndez Galina Wişnevskaya “Mixail Frunze” köymäsendä muzıka söyüçelär häm mäğlümat çaraların yaqtırtuçı jurnalistlar belän oçraşıp söyläşte.K.Tinçurin drama häm komediä teatrı binasında Rimski -Korsakovnıñ “Sarskaya nevesta”isemle operası, opera cırı Üzägeneñ citäkçese Galina Wişnevskaya qatnaşlığında bardı. Ä 14 iyün könne S.Säydäşev isemendäge Zur konsertlar zalında Mstislav Rostropoviç Fondınıñ stipendiatları konsertı buldı. M.Rostropoviç üzeneñ şäkertläre Qazan konservatoriäseneñ möğällime Avzal Xäyretdinov belän oçraştı. Şuşı tamaşalar Tatarstannıñ mädäniät ministrlığı häm “Nijnekamsneftexim” häm “Nijnekamskşina” açıq aksiäçelär cämğıäte yärdämendä oyıştırıldı.Rusiä töbäklärendä barğan Sabantuylarda Tatarstannıñ bilgele artistları da qatnaşa. Mädäniät ministrlığı bezgä şunı xäbär itte: 19 iyündä Çiläbe şähärenä “Zaman” törkeme barsa, 26 iyündä Krasnoyar kraena İlsaf cıyına. Ä 27 iyündä bulaçaq S.Peterburg Sabantuyına da Qazannan artistlar bara. 4 iyüldä uzaçaq Mäskäw Sabantuyına Tatarstannıñ cır häm biyu ansamble häm fol'klor muzıka ansamble belän bergä İlsaf , Sänifä Rangulova häm Venera Ğaniewalar baruı qaralğan . Mälikä Basıyr Qazan.

XS
SM
MD
LG