Accessibility links

шимбә, 10 декабрь 2016, Казан вакыты 06:02

Tatar yäşlärenä “Mizgel” kiräk


Bügen “Azatlıq” radiosınıñ Qazan byurosına faks kilde. Tatar yäşläreneñ “Mizgel” klubınıñ bıyılğı sezonına kilüçelärneñ sanı ike tapqırğa qısqara ikän. Älege xat Däwlät Sovetınıñ milli komissiäse räise Razil Wälievqa adreslansa da, anıñ ber nöxsäsen şul uq könne “Azatlıq” radiosına da cibärelü borçulı xälneñ kiñ cämäğätçelek öçen ähämiäten kürsätä.
Xatta menä şundıy yullar bar “Bez, Yar Çallı şähärendä yäşäwçe häm uquçı tatar yäşläre, şähärebezdä 8 yıl däwamında eşläp kilüçe “Mizgel” klubı ütkärgän härtörle çaralarda qatnaşıp, şuşı klub tarafınnan maxsus eşlängän programma buyınça 2002-2003nçе yıllarda oyıştırılğan milli-mädäni lager'da bulıp, bala çaqtan uq äti-äni häm äbi-babalarıbız señdergän milli xislärne yañartıp, tel, mädäniät buyınça belemnärebezne arttırıp tora idek. Ämma citäkçelek qararı buyınça bezgä 50 keşe genä cıyarlıq aqça bülende. Bügenge köndä älege 50 bala “Mizgel”dä yal itärgä, ğilem säğätlärendä, “Tatar yegete”, “Tatar qızı” bäygelärendä h.b. qatnaşıp, tatar tele häm xalqıbıznıñ ruxi mirası buyınça belemnären tiränäytergä cıyına. Ä bezgä, şuşı 50 bäxetle arasına kerä almağannarğa nişlärgä?, digän süzlär belän tämamlana bu xat. Xatqa Miläwşä Rizwanova, Leniza Möxämmätcanova, Gölnaz Näbiullina h.b., barlığı 29 keşe imza quyğan.
“Mizgel” klubınıñ uzğan yılğı sezonı turında “Azatlıq” radiosında söylägän idek. Çınnan da “Sälät” lagere kebek ük “Mizgel” klubı da yäşlärneñ milli üz añın uyatuda, sälämät tormış ürnägen tärbiäläwdä zur rol' uynıy, dip sanawçılar bik küp. Şuşı xatnıñ eçtälege belän bez respublikanıñ “Cäy” dip atalğan üzäk citäkçesen Wera Konsubitskayanı tanıştırdıq. Wera xanımnıñ äytüençä bıyıl yäşlärneñ cäyge yalına respublika byudjet fondınnan 119mln. sum, sotsial' iminiät waqiyfınnan 200mln. sum aqça birelä. Bu uzğan yılnıñ sanınnan beraz kimeräk. Qayber lager'larda yal itü waqıtı ozınayğan. Şunlıqtan qayber oçraqlarda yal itüçelär sanı qısqara. Ägär dä mömkinlek bulsa, bälki östämä aqça bireler. Läkin xäzergä andıy forsat kürenmi. Şähärdä yäşäwçe tatar yäşläreneñ milli tärbiäse öçen bik möhim bulğan “Mizgel”gä berär moğciza ğına yärdäm itmäsme, dip ömetlänergä qala.
Al'bina Zäynulla, Qazan.

XS
SM
MD
LG