Accessibility links

җомга, 9 декабрь 2016, Казан вакыты 03:12

Äfğanstan prezidentı Karzay Washingtonğa raxmet belderde häm yardäm däwam itsen dip ütende


Afğanistan prezidentı Hamid Karzay ilen qarañğı çordan çığarğanı öçen AQŞqa raxmet belderde häm amerikan xökümäte belän şirkätlären yardämne dävam itterülären soradı. Karzay bu xaqta Senat häm Väkillär palatasınıñ urtaq utırışında yasağan çığışında da , prezident Buş belän oçraşqanda da belderde. Buş Afğanistan AQŞnñ yardäm birüne dävam itteräçägenä ışana ala dip äytte.

Karzay här ike oçraqta da AQŞ citäklägän köçlärneñ intervensiäsennän elekke Afğanistandağı xällär, Taliban xakimiäte häm Al-Qaida turında söyläde

Audio

"Afğanistan qaranğı çordan, terror häm ezärlekläv çorınan çıqtı. Bez yaqırtuçan konstitutsiä qabul ittek, demokratik İslam xökümäten buldırdıq. Ul här vatanaşnıñ tiñxoquqlılığın yaqlıy häm saqlıy."

Şunnan soñ Karzay Taliban çitlätelgännän soñ ildä ütkärelgän reformalarnı sanap kitte. Alar arasında qızlarğa belem birü, sälämätlekne saqlaunı yaxşırtu, irekle mätbuğat, infrastrukturanı yaxşırtu häm yaña milli armiä buldıru da bar. Ul şulay uq Sintäber ayında parlamentqa saylauların ütkäreläçägen dä iskä töşerde. Karzay Kongressta yasağan häm yış qına alqışlar belän özelgän çığışında, bu AQŞ häm başqa illärneñ yardämennän tış bula amas ide dip äytte. Afğan prezidentı il aldında torğan problemmalarğa da tuqtap, äfyun çäçüneñ kiñ taralğan buluına iğtibar itep, xökümäteneñ narkotika sävdäsen tuqtatu öçen tırışuın äytte.

Audio

"Bez, üz balalarıbıznı häm dönyadağı balalarnı narkomanlıq iblisınnan saqlap qalır öçen narkotiklarğa qarşı köräş iğlan ittek."

Ul bu häm başqa ölkälärdä vazğiätne yaxşırtu öçen Afğanistanğa yardämne dävam itterergä, kapital salırğa çaqırdı. Ul soñğaraq Buş belän Aq Yortta bulğan oçraşuda Afğanistan konstitutsiäse demokratiä belän İslamnıñ yänäşä yäşi aluın kürsätte dip belderde. Karzay üzeneñ qorallı bülekläre bulğan regional citäkçelär belän xezmättäşlek itüenä qarata alğa sörelgän tänqitlärgä qağılıp, demokratiäne nığıtu öçen afğan cämğiäteneñ här qatlamı belän tınıçlıqta eş itü prezident bularaq minem vazıyfam dip belderde. Läkin, ul andıy cirle citäkçelär belän ber nindi dä kileşü dä, koalitsiä dä tözelmäde dip ışandırdı.

Färit İdelle, Praga.
XS
SM
MD
LG