Accessibility links

шимбә, 10 декабрь 2016, Казан вакыты 08:17

Rişwätçelär belän köräş däwam itä


Respublikada bu aralarda korrupsiä, rişwät birü belän köräş köçäyep kitte. Älege köräşneñ berençe qorbannarı Qazan şähäre xakimiäte çinovnikları buldı. Başqalanıñ Kirov rayonı başlığı urınbasarı häm şähär xakimiäteneñ transport bülege citäkçese üzläreneñ wazifaların arttıruda häm rişwät aluda ğäyeplänälär. Xäzer cinayätne tikşerü bara. Ul arada ike ğäyeplänüçe dä çitkä kitmäw turında qäğäzne imzalap, kire üzläreneñ eşlärenä kereştelär. Xäzer Qazanda üzeñneñ xoquqlarıñ bozıluına şikäyät itep barır cir dä qalmadı. Tatarstanda inde berniçä yıl şaqtıy aktiv eşläp kilgän Keşe xoquqların yaqlaw üzäge citäkçese Oleg Xäbibraxmanov qulğa alındı. Ul Azatlıq radiosı tıñlawçılarına da yaxşı tanış. Bezneñ tapşırularda Oleg Xabibraxmanov Qazanda qılınğan keşe xoquqların bozu oçraqları häm älege eştä totılğan keşelärne faş itü turında berniçä märtäbä söylägän ide. Xäzer inde aña başqalarnı tügel, üzen yaqlarğa turı kiläçäk. Oleg Xäbibraxmanovnı berniçä meñ dollar külämendä rişwät aluda ğäyeplilär.

Gölnaz İlgizär

XS
SM
MD
LG