Accessibility links

Кайнар хәбәр

Gruziägä yärdäm cıyu başlandı


Yevropa Berlegeneñ tışqı säyäsät öçen cawaplı räsmie Havier Solana, Gruziä korrupsiä häm xäyerçelekkä qarşı köräştä uñışlar yasıy, dip belderde. Bu turıda ul bügen Gruziä premier-ministrı Zurab Zhvania belän oçraşqaç äytte. Bügen Brusseldä Gruziägä yärdäm cıyu maqsatı belän xalıqara konferensiäse açıldı. Dönya Bankı ximayasında ütkän bu çaranı Yevropa Berlege ütkärä. İxtimal yärdäm itüçelär arasında Yevropa Berlege illäre, Quşma Ştatlar, Yaponiä häm Rusiä. Gruziä xökümäte aldağı 3 yılda 485 million euro külämendä yärdäm alırğa ömetlänä. Yevropa Berlegeneñ tışqı bäyläneşlär komissarı Chris Patten, konferensiäne açıp, xalıqara cämäğätçelek Gruziägä yärdäm itü forsatın ıçqındırmasqa tieş dip belderde:

Audio (Chris Patten)

NC061621 "Bez yärdäm itmi torıp reformalar uñışın kötep utıra almıybız. Bez Gruziägä yärdäm itergä tieş, çönki aldağı 3 yıl bu ilneñ kiläçäge öçen xälitkeç bulaçaq."

Berük waqıtta Patten, yärdäm, reformanıñ niçek baruına qarap bireläçäk, dip kisätte. Yevropa Berlege 125 million euro birergä cıyına, häm bu iñ zur öleş bulır dip kötelä. Gruziä berençe çiratta, idarä reforması, xoquq saqlawçılar sanın qısqartu, energetika, infrastruktura häm sotsial ölkägä yärdäm kürsäteler dip ömetlänä.
XS
SM
MD
LG