Accessibility links

сишәмбе, 6 декабрь 2016, Казан вакыты 19:05

Bagdadta intihar xöcüm näticäsendä kimendä 35 keşe haläk buldı


Bügen Bagdadta, Ğiraqnıñ yaña armiäsenä ğäskär cıyu üzäge yanında bulğan şartlaw näticäsendä kimendä 35 keşe haläk bulğan, 130-dan artığı yaralanğan. İntihar xöcümçe, şartlatqıç töylgän maşina belän, bina yanına cıyılğan ixtiarıylar östenä mengän. Şartlaw urının barıp kürgän Ğiarqnıñ waqıtlı premier-ministrı İyad Allawi, köç qullanular kötelgän ide, bu xöcüm şularnıñ berse dide:

Audio (İyad Allawi)

"Köç qullanular artaçağı kötelgän ide. Bez moña qarşı toraçaqbız, Ğiraq xalqı barıber ciñep çığaçaq. Doşmannar qayda ğına bulmasın Ğiraq xökümäte alarğa qarşı toraçaq."

Tağın ber maşinağa quyılğan bomba bügen Bagdadtan tönyaqqa taba, Balad qalasında şartlağan. Näticädä 6 Ğiraq ğäskärie ülgän, 4-se yaralanğan. Ğiraqnıñ waqıtlı Saqlanu ministrı Hazim Äl-Şalan, ildäge ğisyannı bastıru maqsatı belän yaqın arada xärbi operatsiä başlanaçaq, dip belderde. Ğiraqnıñ ilminlek köçläre ğisyançılarnı "öydön-öygä" ezläp yöriäçäk, dide ul. Xäzerge waqıtta Ğiraqnıñ tönyağında bulğan, Quşma Ştatlar saqlanu ministrı urınbasarı Paul Wolfowitz, Ğiraq köçläre ildäge wazğiätne üz qaramağına alğançı, amerikan xärbiläre Ğiraqta qalaçaq, dip belderde.

XS
SM
MD
LG