Accessibility links

шимбә, 10 декабрь 2016, Казан вакыты 08:22

Putinneñ Yukos turındağı süzläre, şirkätne qotqara almas kebek.


Russiä prezidentı Putin, Taşkentta çaqta jurnalistlarnıñ Yukosnıñ yazmışı turındağı sorauların cavaplandırğanda, Yukos kebek şirkätlärne bankrotqa töşerü maqsät itep quyılmıy dip belderde. Läkin, ber ük vaqıtta soñğı qararnı mäxkämä birä dip tä äytte.

Töp aksionerları törmdä totılğan Yukosnıñ idaräçeläre, mäxkämä Salım Ministerlegeneñ taläplären yomışartmağan xäldä, şirkät burıçların tüli almayaçaq häm bankrotlıqqa töşäçäk dip belderep kilälär. Yukos häm bigeräk tä Xodorkovskiy turında söylärgä yaratmağan prezident Putin, kiçä Taşkentta jurnalistlarnıñ Yukos turındağı soraularına cavap birgändä, Russiä federatsiäseneñ räsmi xakimiätläre , xökümäte häm ekonomika öçen cavaplı räsmiläre Yukos kebek şirkätlärneñ bankrotqa töşüläre belän ber dä qızıqsınmıylar dip belderde. Xökümät şirkätne cimermäs öçen tırışaçaq. Ämma, läkin, şuluq vaqıtta soñğı süz mäxkämäneke dip tä äytte. Putinneñ bu belderüennän soñ, Yukosnıñ yazmışı turında ömet tusa da, Mäskäv Arbitratsiä Mäxkämäseneñ Comğa könge qararı optemizmnı çikliy. Ul Yukosnıñ Salım Ministerlegeneñ yaqınça öç yarım miliard dolarlıq taläbe turındağı tıñlaularnı kiçekterü turındağı möräcäğäten kire qaqtı. Salım Ministerlege Yukos şuşı 3 yarım miliard dolarlıq burıçın iyün azağına qädäre tüläsen dip taläp itä. Yukos citäkçeläre şirkätneñ qulında andıy miqdarda aqça yuq. Läkin, vaqıt birelsä häm tuñdırılğan milekne satu mömkinlege birelsä, burıçların tülärgä äzer toruın belderdelär. Putin Yukos mäsäläsen ekonomik cinayät häm korrupsiägä qarşı köräş belän añlatsa da, moña şik belän qarala. Qayberävlär, moña Yukos xucalarınnan häm Russiäneñ iñ bay keeşse dip xisaplanğan Xodorkovskiynıñ Putingä oppozitsiä belderep, säyäsätkä qatnaşuı säbäp buldı digän fikerdelär. Başqalar, Putin citäklägän xökümät 90-nçe yıllardağı xosusiläşterü vaqıtında ayırım keşelär qulına eläkkän tabiği baylıqlarnı yañadan üz kontrolenä alırğa teli häm Yukos başlanğıç bulıp tora digän qaraştalar. İnde Putinneñ belderüenä kilgändä, bu osta taktika bulıp tora. Ul xakimiätlär Yukosnı cimerü belän qızıqsınmıylar dip belderüe belän, bu çit il investitsiäsenä zian kitermäsen häm Russiägä ışanıç qaqşamasın dip tırışa. İkençe yaqtan, soñğı süz mäxkämädä dip äytüe belän cavaplılıqnı üz östennän taşlıy. Yukos mäsäläse häm anıñ citäkçeläre östennän xökem protsesı niçek kenä tämamlanmasın, ber närsä açıq. Yukos kiläçäktä, yä dävlät kontrolendäge Gazprom kebek şirkätlär yaki Kremlneñ ışanıçlı keşeläre qulında bulaçaq. Xodorkovskiy häm Lebedev ğäyeple tabılğan xäldä, 10 yılğa qädäre törmä cazasına xökem itelä alaçaqlar. Monnan qotılırğa telgän xäldä, baylıqları belän tülärgä tieş bulaçaqlar. Annan başqa kiläçäktä ber genä Oligarx ta säyäsätkä qatnaşırğa yaki Putingä qarşı çığarğa batırlıq itmäs.

Färit İdelle, Praga.
XS
SM
MD
LG