Accessibility links

шимбә, 3 декабрь 2016, Казан вакыты 20:41

Milli mäcles tatarnı berläşergä öndi


Milli Mäclesneñ Qorıltayın ütkärüneñ töp säbäbe tatarlarnıñ, bigräk tä Tatarstannan çittä yäşäwçelärneñ, tel, mädäniät, mäğärif torışınıñ qotoçqıç xäle, xalıqnıñ yäşäw däräcäseneñ tübängä töşep baruı, cinayätçelekneñ artuı buldı, dip xäbär itä Milli mäclesneñ yaña räise Ğabdulla Ğaliullin. Üzeneñ räsmi möräcäğätendä ul Milli Mäclesneñ menä şundıy eş yunäleşlären bilgeläp ütä.
1.Respubliqa suverenitetın torğızu;
2.Rusiä külämendä tatar xalqınıñ milli suverenitetın qabul itü;
3.Respublikada tatar telne däwlät tele sıyfatında üsterüe;
4.Tatar milläte yäşägän ölkälärdä berdäm milli mäğärif sistemasın buldıru;
5.Här şäxesneñ milli häm sotsial' xoquqların yaqlaw;
6.Milli salım sistemasın buldıru;
7.Berdäm mäğlümat qırı yasaw.
Qorıltayda oyıştıru mäs’äläläre dä xäl itelgän. Milli Mäclesneñ räise häm prezidiumğa 11 keşe saylanğan. Mäclesneñ räise itep Nurulla mäçeteneñ imam-xatıbı Ğabdulla Ğaliullin quyılğan.
Küptän tügel Milli Mäcles Fännär Akademiäseneñ tarix institutı belän berlektä fänni ğämäli konferensiä oyıştırdı. Anda tatar xalqınıñ cämäğät eşlekleläre, fän, mädäniät, mäğärif xezmätkärläre qatnaşqan. Cıyılışta milli mäğärifneñ üseş problemaları, kiläçäk yazmışı, xalıqnıñ dini mäğrifäte xaqında süz bardı. Anda Milli Mäclesneñ räise xalıqnıñ berlege häm näticädä anıñ milli üseşe xalıq räsmi xakimiät yanında tügel, ä Milli Mäcles yanında tuplansa ğına mömkin bulaçaq, digän fiker äytte.
Al'bina Zäynulla, Qazan.

XS
SM
MD
LG