Mäkkä. İslamnıñ izge üzäge Mäkkädäge Cämiğ mäçete imamı şäyex Salix bin Ğabdulla bin Humaid, ildäge çit il keşelärenä qarşı höcümnärne tuqtatırğa öndäde häm "äl-Qaidä" radikalların täwbä itärgä çaqırdı. Comğa namazı wäğäzendäge anıñ şuşı öndämäse Söğüd Ğäräbstanınıñ däwlät televideniäse aşa da tapşırıldı. Anda, amerikan möxändise Paul Johnsonnı urlağan islamçılarnıñ taläben ütäw öçen birelgän waqıt çığıp bara. Alar, söğüd xökümäte yözlägän dini qısyançını totqınnan azat itmäsä, Johnsonnı cäzalap üterü belän yanıy. Söğüd xakimiate terrorçılar belän söyläşülär alıp bamayaçağın belderde.
