Audio, Söğüd TV
Söğüd televideniäse ildäge "äl-Qaidä" törkeme başlığı Ğäbdelğäziz äl-Miqrinneñ häm tağın öç islamçınıñ qaldıqları dip, tieşle videosürätlär dä kürsätte, anda, alar comğa kiçen, üzläre cäzalağan amerikan Paul Johnsonnıñ mäyeten taşlap qaldırğan çaqta söğüd iminlek köçläre belän bulğan atışlarda üterelde dielä. Şuña qädär berniçä säğät elek äl-Miqrin törkeme, berniçä kön üzendä totqan möhändisneñ başın kisüe xaqında xäbär itkän ide, monı raslağan fotosürätlär radikal'' islamçılarnıñ İnternettağı ber säxifäsenä dä quyıldı. Yıllar däwamında Osama bin Laden belän elemtädä torğan Äl-Miqrin, ildäge "äl-Qaidä"neñ söğüd xakimiate tarafınnan ezlängän iñ kürenekle ähele ide, ul häm anıñ törkeme uzğan ayda Xobar şähärendä 22 keşeneñ ülemenä kitergän höcüm öçen dä cawaplılıqnı üz östenä aldı. Äl-Miqrinne üterü, bu xäbär anıñ törkeme yağınnan kire qağılsa da, Söğüd Ğäräbstanı öçen qazanış bulıp tora, bigräk tä anda soñğı aralarda, ildäge çit il keşelärenä qarşı höcümnär artu sürätendä. äl-Miqrin häm anıñ ike tarafdarın yuq itüne Quşma Ştatlarnıñ däwlät departamentındağı isemen äytmägän ber räsmi wäkil dä xuplap telgä aldı, anıñ süzlärenä qarağanda, bu söğüdilärneñ "äl-Qaidä"gä qarşı ayawsız köräş alıp barırğa cıyınuın kürsätä. Johnsonnı üterü häm söğüd yağınıñ moña qırıs cawap qaytaruı aldınnan, räsmi xakimiat islamçılar quyğan taläpne ütäwne - totqındağı islam radikalların azat itüne kire qaqqan ide. Äl-Miqrin törkemeneñ amerikan möhändisen şulay yawızlarça üterüe dönya buylap xökem itü dulqınına säbäp buldı. Quşma Ştatlar prezidentı Bush, Amerika şuşı radikal başkisärlär qılğan ğämällärgä qaramastan alar basımına birelmiäçäk dip belderde.
Audio, George Bush
"Bu ülemne bernärsä dä aqlıy almıy, citmäsä alar anı añlı räweştä, salqın qan belän üterde. Bu bezgä barı tik şunı ğına istä totarğa yardäm itärgä tieş - älege keşelär başqa amerikannarnı da cäberlägänçe bez alarnı totarğa häm cawapqa tartırğa tieşbez" di prezident Bush. Washingtonda aşığıç räweştä oyıştırılğan matbuğat oçraşuında söğüdilärneñ tışqı eşlär kiñäşçese Ğadel äl-Cübeyr üz ileneñ, qayğı urtaqlaşu xislären citkerde.
Audio, Ğadel äl-Cübeyr
"Söğüd Ğäräbstanı xalqı şuşı ğäyepsez keşene yawızlarşa üterügä üz näfräten belderä, anıñ üleme bezne nıq teträtte. Şuşı wäxşi ğämälne qıluçılarnıñ üzlären möselman dip atawı başqa sıymaslıq yalğan, bezneñ din berğäyepsez keşene cäberläwne aqlıy almıy" di söğüd wäkile. Riyadtağı amerikan ilçelege, ildä yaña höcümnär bula ala dip kisätä, däwlät departamentı bu atnada ildäge amerikannarnı ildän kitügä dä çaqırğan ide. Ämma kiçä däwlät sekretare Colin Powell, çit il keşeläre Söğüd Ğäräbstanında qalırğa tieş, çönki alarnıñ kitüe dini radikallar öçen ciñü bulır ide dip belderde.
Kärim Kamal
Söğüd televideniäse ildäge "äl-Qaidä" törkeme başlığı Ğäbdelğäziz äl-Miqrinneñ häm tağın öç islamçınıñ qaldıqları dip, tieşle videosürätlär dä kürsätte, anda, alar comğa kiçen, üzläre cäzalağan amerikan Paul Johnsonnıñ mäyeten taşlap qaldırğan çaqta söğüd iminlek köçläre belän bulğan atışlarda üterelde dielä. Şuña qädär berniçä säğät elek äl-Miqrin törkeme, berniçä kön üzendä totqan möhändisneñ başın kisüe xaqında xäbär itkän ide, monı raslağan fotosürätlär radikal'' islamçılarnıñ İnternettağı ber säxifäsenä dä quyıldı. Yıllar däwamında Osama bin Laden belän elemtädä torğan Äl-Miqrin, ildäge "äl-Qaidä"neñ söğüd xakimiate tarafınnan ezlängän iñ kürenekle ähele ide, ul häm anıñ törkeme uzğan ayda Xobar şähärendä 22 keşeneñ ülemenä kitergän höcüm öçen dä cawaplılıqnı üz östenä aldı. Äl-Miqrinne üterü, bu xäbär anıñ törkeme yağınnan kire qağılsa da, Söğüd Ğäräbstanı öçen qazanış bulıp tora, bigräk tä anda soñğı aralarda, ildäge çit il keşelärenä qarşı höcümnär artu sürätendä. äl-Miqrin häm anıñ ike tarafdarın yuq itüne Quşma Ştatlarnıñ däwlät departamentındağı isemen äytmägän ber räsmi wäkil dä xuplap telgä aldı, anıñ süzlärenä qarağanda, bu söğüdilärneñ "äl-Qaidä"gä qarşı ayawsız köräş alıp barırğa cıyınuın kürsätä. Johnsonnı üterü häm söğüd yağınıñ moña qırıs cawap qaytaruı aldınnan, räsmi xakimiat islamçılar quyğan taläpne ütäwne - totqındağı islam radikalların azat itüne kire qaqqan ide. Äl-Miqrin törkemeneñ amerikan möhändisen şulay yawızlarça üterüe dönya buylap xökem itü dulqınına säbäp buldı. Quşma Ştatlar prezidentı Bush, Amerika şuşı radikal başkisärlär qılğan ğämällärgä qaramastan alar basımına birelmiäçäk dip belderde.
Audio, George Bush
"Bu ülemne bernärsä dä aqlıy almıy, citmäsä alar anı añlı räweştä, salqın qan belän üterde. Bu bezgä barı tik şunı ğına istä totarğa yardäm itärgä tieş - älege keşelär başqa amerikannarnı da cäberlägänçe bez alarnı totarğa häm cawapqa tartırğa tieşbez" di prezident Bush. Washingtonda aşığıç räweştä oyıştırılğan matbuğat oçraşuında söğüdilärneñ tışqı eşlär kiñäşçese Ğadel äl-Cübeyr üz ileneñ, qayğı urtaqlaşu xislären citkerde.
Audio, Ğadel äl-Cübeyr
"Söğüd Ğäräbstanı xalqı şuşı ğäyepsez keşene yawızlarşa üterügä üz näfräten belderä, anıñ üleme bezne nıq teträtte. Şuşı wäxşi ğämälne qıluçılarnıñ üzlären möselman dip atawı başqa sıymaslıq yalğan, bezneñ din berğäyepsez keşene cäberläwne aqlıy almıy" di söğüd wäkile. Riyadtağı amerikan ilçelege, ildä yaña höcümnär bula ala dip kisätä, däwlät departamentı bu atnada ildäge amerikannarnı ildän kitügä dä çaqırğan ide. Ämma kiçä däwlät sekretare Colin Powell, çit il keşeläre Söğüd Ğäräbstanında qalırğa tieş, çönki alarnıñ kitüe dini radikallar öçen ciñü bulır ide dip belderde.
Kärim Kamal