Accessibility links

чәршәмбе, 7 декабрь 2016, Казан вакыты 11:43

Niçek min “Küktaw” isemle film qaradım


Televidenie aşa barğan reklama tä'sire buyınça min “Küktaw”isemle tatarça kinofil'm qararğa dip Qazanda “Ximiklar” mädäniät sarayında urnaşqan “Organik” kinoteatrına yul tottım. Ämma berençe könne anı qarap bulmadı. Çönki bu könne “Küktaw”kinofil'mı, keşe cıyılmaw säbäple, quyılmağan. Comğa könne monıñ turında “Xikmätle xällär ” tapşıruında şul turıda äytelde. Şulay da “Sabantuy”könne, bälki keşe bulır dip ,Sabantuydan soñ ,kiçke 18.30 da başlanaçaq seansqa bardım. Kassadağı bilet satuçı xanımnıñ mine, keşe cıyılmaw mömkinlegenä sıltap ,bilet almasqa ügetläwenä qaramıyça, säğät 18.00 dä berençe keşe bulıp bilet aldım. Tatarça näfis kinofil'mın cidençe yartıda qararğa 8 keşe kilgän.Häm fil'm başlandı.Quqtaw kinosınıñ sıyfatı Finländiä kinofil'mnarınnan ber dä qalışmıy. Kinoğa muzıkanı Yuri Çaplin belän bügenge köndä Amerikada yäşägän kompozitor Mäsxüdä Şämsetdinova yazğan. Ä kinofil'mnı yäş rejisser İldar Yağfarov, Mansur Ğiläcewnıñ “Vokzal yanındağı ber kön” isemle ssenariye buyınça quyğan. Kärim isemle ber keşe ozaq yulda barğanlıqtan rul'dä yoqlap kitep, yul häläkäte yasıy. Ber keşeneñ ğömere özelä,ber bala invalid bulıp qala.Kärimne 6 yılğa törmägä utırtalar. Ämma törmädän çıqqaç, anı ğailäse qabul itmi. Ä yazmış anı Bulat isemle malay belän oçraştıra. Bulat internatta yäşägän invalid malay. Amerikadan kilgän ğailä anı uz balası itep, üzlärenä alıp kitärgä cıyınğan. Kärim Bulatnıñ alar belän barırğa telämiçä cılap utırğanın kürep, malaynı alıp qaça. Çit ber irne yaqın itkän bala, Bulatnıñ änise tuğan Küktaw awılına, yul totalar. Ämma anda da alarnı militsiä ezläp taba. Syujettan şul añlaşıla, Kärimgä yañadan törmä yulı, ä Bulatnı Amerikadan kilgän ğailä kötä. Menä şul. Fil'm tämamlanğaç zaldan çığuçı tamaşaçılar, küzlärendäge yäşlären sörtä-sörtä çığalar ide.Ä başqa seansnı qararğa kilüçelärneñ sanı da şul 5-6 keşedän artmağan ide. Mälikä Basıyr, Qazan.

XS
SM
MD
LG