Accessibility links

Salawat rayonında başqort xalqınıñ milli batırı Salawat Yulaevnıñ tuuına 250 yıl tuluğa bağışlanğan çaralar uzdı


Çarağa öç meñnän artıq qunaq kilgän ide.İñ zur deleğätsiä ut kürşe Tatarstan wäkilläre buldı. Bäyräm çaraları qayçandır Salawat Yulaev tuğan Temäs awılı urınına quyılğan taqtataşqa çäçäklär salu belän başlandı. Artaban Salawat rayonı üzäge — Maloyazda tözeläçäk Salawat stellasına nigez taşları salındı. “Salawat cıyını“ isemle fol'klor bäyräm ütte.Anıñ qısasında ir-yegetlär arasında “Salawat cıyını batırı“, xatın-qızlar arasında “Çaya qızlar“ bäygeläre ütte.Ciñüçelär “Oka“ maşinalarına utırıp qaytıp kittelär. Bäyrämdä barlığı tuğız isemdäge qonqurs , bäygelär oyıştırılğan ide. Bäyräm çaraları belän ber rättän Tatarstan häm Başqortstan respublikları arasındağı xezmättäşlekne üsterü eşçe komissiäse utırışı da bulıp ütte.Anda Tatarstan yağınnan İndus Tahirov , Başqortstan yağınnan İldus İlişevlar citäkçelegendäge törkem qatnaştı. Söyläşüdä mädäniät , mäğärif , fän , matbuğat ölkäsendäge xezmättäşlek mäsäläläre qaralğan.
XS
SM
MD
LG