Accessibility links

Tatarlar cıyınında tatar tele statusın çişü öçen referendum täqdim itelde


Başqortstan tatarları cıyını bulıp ütte. Anda 18 tatar cämägätçelek oyışmasınnan , şulay uq 18 rayonnan kilgän wäkillär qatnaştı. Töp süz tatar tele statusın üsterü turında bardı.Professor Radik Sibäğätov çığışında tatar telen üsterüneñ totqarlawına alıp kilgän tarixi waqiğälärne barladı.Anıñ uyınça , Ufa gubernasın keçe Başqortstanğa quşu här ike xalıqnıñ üseşenä dä zıya kitergän.“Başqortlar sannarı azlığı öçen ruxi diskomfort kiçersä , tatarlar töp millät xoquqlarına iä bulmawğa duçar buldı“,— dide professor. Ul tel statusın çişü öçen soñğı yulnıñ referendum buluın äytte. Artaban çığış yasağan Tatarstannıñ Başqortstandağı säwdä-iqtisadıy wäkile Rämil Bignov tel statusı yünäleşendäge köräş adımnarın barladı , referendum ütkärü yulınıñ milli qarşılıqlarğa alıp kilmäwen añlattı. Cıyında qalğan çığış yasawçılar da referendum ütkärüne xupladı. Çarada referendum ütkärü öçen initsiativ törkem tözelde.Cıyında qarar , respublika xalıqlarına möräcägät häm uzğan respublika prezidentın saylawlarda Räximovqa älternativ nämzätlär faydasına eşläwçelärne ezärlekläwne tuqtatuda yärdäm sorap Mortaza Räximovqa möräcägät qabul itelde.

Mönir Wafin , Ufa
XS
SM
MD
LG