Accessibility links

дүшәмбе, 5 декабрь 2016, Казан вакыты 05:37

Äbü Ğraib törmäsendäge xällär öçen 2 amerikan generalı cawap totaçaq


Äbü Ğraib törmäsendä Ğiraq totqınnarın cäberläwdä ğäyeplängän 2 amerikan xärbie eşen tikşerüçe xäkim James Pohl, xärbilärneñ advokatlarına, 2 yuğarı general, Ricardo Sanchez häm John Abizaidtan soraw alırğa rizalıq birde. Advokatlar äytüençä, törmädä xezmät itkän tübän däräcäle soldatlar, bu waxşileklärne, östän kilgän färmanğa buysınıp başqarğan. Avdkoatlarnıñ berse, Paul Bergrin, min yaqlağan soldatnıñ bar ğämälläre – qanuni, dide:

Audio (Paul Bergrin)

"Javal Davisnıñ ğämälläre bu oçraqta qanuni. Ul ğädäti tärtipkä buysınğan, xärbi küzläwçelär, başqa xezmätlär quşqannı eşlägän."

Xäkim, generallarnı soraştıru öçen Yülneñ 31-nä qädär waqıt birde. Advokatlar, Pentagon başlığı Donald Rumsfeldqa da soraw birü mömkinlegen sorağan ide. Äbü Ğraib törmäsendäge waxşileklär öçen älegä 7 soldatqa ğäyepläw belderelde. Şularnıñ berse, Jeremy Sivits, 1 yıl törmägä xökem itelde. İkeseneñ eşe bügen qaraldı, tağın berseneke – Yülneñ 23-enä küçerelde.

XS
SM
MD
LG