Accessibility links

сишәмбе, 6 декабрь 2016, Казан вакыты 17:21

Törkiä: separatist kördlär başkütärüne yañarta


Törkiä İminlek xezmätläreneñ belderüenä kürä , PKKnıñ urınıñ alğan yaña oyışma - Kördistan Eşçelär Partiäsenıñ 5yıl elek ber yaqlı bularaq iğlan itkän atışlarnı tuqtatunı iyün başlarında köçtän çığarğannan soñ häcümnär artıp kitkän.Ankara sonğı atnalarda Ğıraqnıñ tönyağında taularda yäşrengän körd suğışçılarınıñ yaqınça 2meñe Törkiägä kerde dip belderde.

Xabärlärgä qarağanda Törkiäneñ könyağında , PKK yäki Kördistan eşçelär partiäse qaldıqlarına qarşı operatsiälär oyıştırıla. PKKdağı körd separatisları Törkiäneñ könyaq könçığışında 2 distä yıl aftonomiä öçen qorallı suğış alıp bardı. PKK , citäkçese Abdulla Öcalan qulğa alınılp ber yıl ütkännän soñ 1999da ber yaqlı bularq atışlarnı tuqtattı. Ocalan yuldaşların qorallı bäreleşlärne tuqtatırğa aftonomiä öçen legitim yullar belän kampaniä alıp barırğa çaqırğan ide.Ämma PKKnıñ urınıñ alğan Kongra Gel iyün başlarında Törkiä xärmät itmi dip atışlarnı tuqtatunı köçtän çığardı. Sonğı atnalarda Ğıraqnıñ tönyağında taularda yäşrengän körd suğışçları İran wä Süriä aşa Törkiägä kerde dip xabär itä Ankara. Ankarada Bilkent Universitetı Tışqı Säyäsät İnstitutı direktorı Seyfi Taşan äytüenä qarağanda Ocalannıñ qulğa alınuınnan soñ,PKK tarala bara çönki anıñ küp kenä äğzaları tönyaq Ğıraqqa qaçqan, separatist xarekät urtaçıllar belän törle suğışçan törkemnärgä bülgälängän. Taşan bolay di:(audio) Tönyaq Ğıraqta urnaşqan PKK taralırğa tora. Alarnıñ qayberläre peşmergelarğa –suğışçılarğa quşıla . PKKnıñ ber törkeme xäzer üzen Kongra –Gel dip atağan törkeme aksiälären yañartırğa qarar birep Ğıraqtan Törkiägä kerä. Taşan süzlärenä däwam itep (audio) bu hiç bulmağanda nindider keşelärne bergäläp totaçaq, çönki tönyaq Ğıraqta suğışçılarnı suğışmi lagerda ğına totu bik qıyın dip belderde. Ämma körd xoquqların yaqlawçılar Kongra-Gelne suğış wä terrorğa bäyläw yalğış di. Londonda urnaşqan Kördistan Solidarlıq Komitetınnan Estella Schmid radiobızğa bolay dip söyläde(audio) Kongra-Gel kongress. 1999da PKKnıñ taraluınnan soñ oyışqan bu törkem strategiä häm taktika yağınnan tämam başqa .Oyışma yaqın könçığışnı demokratiäläşterergä teli. Alar kördlär yaqın könçığış probelmaların säyäsi häm tınıç yullar belän xäl qılunıñ öleşe bulıp tora digän fikerdä Schmid Ankara Kongra-Gelgä qarşı sonğı 5yılda 500 höcüm oyıştırdı dip äytte. Londonda urnaşqan Körd Keşe Xoquqları Proyektınıñ süzçese Rochelle Harris (audio) Törkiädä kördlärneñ wazğiäte turında obyektiv fiker tabu qıyınlığına kördlärneñ quyğan senzura säbäp. Yıllarça Törkiädä kördçä söyläw tıyıldı. Yevropanıñ keşe xoquqları Mäxkämäse Törkiäne körd xoquqların bozuda xökem itte dip söyli. Yevropa Berlegenä kerü ömedendä Ankara sonğı waqıtlarda kördlärneñ mädäni xoquqların kiñäytte . Törek mätbuğatında xärbilär separatist kördlärgä qarşı kiñ küläm operatsiägä äzerlänä digän xabärlär bulsa da , kiñ küläm mäğlümät çaraların başqa ber xabär kübräk mäşğül itä . Ul mondıy: New Yorker jurnalı yazuına qarağanda İzrael agentları kördlärne xärbi künegülärdän ütkärä. Törek NTVseneñ bu turıdağı sorawlarına cawap birgän aftor Seymour Hersh İzrael Törkiägä döreslekne äytmi, anıñ yalğan söyläwdän başqa saylawı yuq dide. Hersh süzlärençä İzrael AQŞnıñ Ğıraqta uñışsız bulu ixtimalä belän berrrättän İran wä Süriädän kiläçäk yanaularğa qarşı toru öçen küptännän birle tönyaq Ğıraqtağı kördlär belän xezmätäşlek itä. Ämma Seymour Hersh xezmätäşlek xärbi tügel ,İzrael İrannnıñ atom programmasına nıq borçıla , ğıraqlı kördlär izrael küzläw xezmätkärlären atom qorılmalarına yaqın urınnarğa iltä häm anıñ bu ölkädäge eşçänlege turında mäğlümät tuplıy dip söyläde. Törkiä tışqı eşlär minsitırı A.Gül İzrael üzeneñ tönyaq Ğıraqtağı eşçänlege turında taralğan xabärlärne döres tügel dip kire qaqtı , bez äytelgännärgä ışanırğa tieşbez, här kem bezneñ öçen bu mäsäläneñ bik näzberek buluın belä.Işanuızbız buş tügelder dip ömed itäbez dide .Düşämbe kiç Ankarağa kilgän Ğıraq kördläre citäkçse Jalal Talabani İzrael körd suğışçların partizan suğışına äzerli digän xabärlärne kire qaqtı. Törkiä wa

qıtlı Ğıraq xökümäten häm Ğıraqnıñ bötenlegen yaqlıy. Bu aralarda neftkä bay Kirkuk şährendä kördlär belän üzen Kirkuknıñ töp xalqı buluın däğwä itkän törkmännär arasında xällär kirenkelänep kitte. Törkiä Kirkuk eşenä bik ciddi qarıy, häm ilneñ baylığı Ğıraqnıñ barlıq xalıqları arasında tigez büleşelergä tieş di. Ankara Kirkukta kördlärneñ östenlek qoruına çıdamlıq kürsätmiäçägen açıqtan açıq söyli.

färidä xämit,praga
XS
SM
MD
LG