Accessibility links

Кайнар хәбәр

Xoquq yaqlawçılar Äfğanstanda NATOnıñ östämä ğäskärlären urnaştırırğa çaqıra


50dän artıq xoquq yaqlaw oyışması NATO räsmilärennän Äfğanstannıñ iminsez töbäklärendä ğäskär urnaştıru planın iğlan itergä çaqırdı. Alyans räsmilärenä cibärelgän açıq xatta äytelgänçä, uzğan yılnıñ Awgustında NATO cawaplılıqnı üz östenä alğannan birle, Äfğanstandağı wazğiät yaxşı yaqqa üzgärmägän. NATO bu ildäge ğäskär sanın arttırırğa wäğda itsä sä, älegä monı eşlärgä aşıqmıy. NATO köçläre nigezdä başqala Kabulda häm çağıştırmaça tınıç bulğan Qondızda urnaşqan. Ösätämä ğäskär cibärü mäsäläse NATOnıñ kiläse atnada İstanbulda ütäçäk sammitında kütäreler dip kötelä.

Kabuldan kilgän ikençe xäbärdä, fetnä qupqan, Ğor wilayätenä xärbilär cibärü ber köngä kiçekterelä dielgän. Räsmilär bu kiçekterüne texnik säbäplär belän añlata. Uzğan atnada cirle komandirğa buysınğan köçlär walayätneñ başqalası Çağçaranğa basıp kergän ide. Ğor'nıñ çitlätelgän xärbi citäkçese, ägär bu köçlär häm cirle gubernator bärep töşerelmäsä, töbäktä qan ağaçaq dip kisätte.
XS
SM
MD
LG