Accessibility links

шимбә, 10 декабрь 2016, Казан вакыты 08:09

Ğıraqta Könyaq Korea totığınıñ başı çabılıp üterelüen xalıqara cämäğätçelek xökem itte


Ütkän atnada Könyaq Korea watandaşın totıq itep alğan radikal möselman törkeme, xärbiläregezne Ğıraqtan çığarığız digän taläbe Seul tarafınnan kire qağılğaç, kiçä totıqnıñ başın çabıp üterde.

AQŞ ğäskäriläre Kim Sun İlneñ mäyeten kiçkä taba Bagdad belän Falluca arasındağı yul çitendä taptı. AQŞ xärbi süzçese general Mark Kimmit Kimneñ mäyete maşinadan ırğıtılğan dide. Kimne urlawçılar K.Korea Ğıraqtağı 600 xärbien çığarırğa häm östämä 3meñ ğäskäri cibärü qararınnan wazkiçergä tieş dip taläp itte. Seul monıñ belän kileşmäwen beldergännän soñ , terroristlar aldan kisätkännären eşläp ,ğämällären video tasmağa töşerep Äl Cäzirä televidiesenä cibärde. Küzläre bäylängän tezländerelgän totıq artında torğan bitlekle terrorçılarnıñ berse tübändäge belderüne uqıdı.(audio) Bu Monoteizm häm Cihad isemle törkemnän K.Korea xalqına . Bez sezne kisättek, ämma sez tıñlamadığız. Bu sezneñ qullar başqarğan eş. yalğannı tuqtatığız. Sezneñ armiä ğıraqlılar öçen tügel ä läğänätlängän amerikannnar öçen monda Xristian dinen totqan 33 yäşlek Kim teologie häm inglizçä uqığan ,ütkän yılda ul K.Koreanıñ in yaxşı universitetında ğäräb telen uqıp betergän häm şunnan soñ Ğıraqta eşlägän küp kenä K.Korea şirkätläreneneñ bersendä tercimän bulıp eşli başlağan. Şirkät amerikan xärbilären tämin itä. Üterü küp kenä illär tarafınnan xökem itelde. K.Korea häm koalitsiä köçlärendäge başqa illär Ğıraqta qalaçaqların belderde. BMO İminlek Şurası cıyınında K.Korea ilçese Kim Sam-hoon (audio) Korea respublikası xalıqara cämäğätçelekneñ irekle demokratik Ğıraq oyıştıru tırışlıqlarına nıq ışana häm Korea bu mäqsatqa turılıqlı qala dip belderde. Seulnıñ ğıraqqa cibärgän 600 keşeneñ zur öleşen xärbi mediklar häm injinerlar täşkil itä. Ul august ayında anda 3meñ keşe tağı cibäräçäk. Şulay da xökümät Ğıraqta möhim eşe bulmağan sivillärgä kitergä quştı.BMO general sekretarı K.Annan Kimne üterü, bernindi säyäsäi yäki başqa säbäp belän aqlanmağan cinayät digän belderü yasadı. İminlek Şurasınıñ älege prezidentı Filipin tışqı eşlär minsitırı Delia Domingo , şura isemennän yasağan belderüendä xalıqara cämäğätçelekne berdäm bulırğa çaqırdı. şerüçe bulıp eşli . Prezident G.Bush Korea watandaşınıñ üterelüen xökem itep (audio) Min älegä K.Kore prezidentı Roh belän söyläşä almadım. , Prezident waxşı keşelärneñ bägersez ğämälläre irekle dönyanı qurqıta almayaçağın añlıy dip ömed itäm .Alar bezneñ teläk , ışanıçıbıznı qaqşatırğa tırışa Alar bezne çigenergä mäcbür itep üzläreneñ qaranğı qaraşların tağarğa teli dide . K.Korea prezidentı Roh televidiniä çığışında şundıy naçar xabär işetterüenä qızğanıç belderep (audio) beräw dä terror aşa mäqsatqa ireşä almıy, bez terror aktın in köçle räweştä xökem itäbez dip äytte. Xökümät augustta 3meñ ğäskärine Ğıraqqa cibärergä planlaşıtra. Alar ilneñ tönyağına urnaştırılaçaq dip kötelä.Şulay itep Seul Britaniädän soñ in küp ğäskär cibärgän 3nçe il bulaçaq. Korealılarnıñ 56% Ğıraqqa ğäskär cibärügä qarşı . Kimneñ üterelü xabäre protestlarnı arttıraçaq dip kenä kötergä kiräk.K.Korea barlıq neften yaqın könçığıştan import itä häm sonğı waqıtlarda Ğıraqta bik küp tözü kontraktlarına qul quydı. Ğäskär cibärügä qarşı buluçılar Ğäräb dönyasın üzebezgä doşman itäbez , AQŞnı tınıçlandıru öçen genä xärbilär cibärelä dip äytä. Yaqlawçılar isä Seul geopolitik ixtiaçları ayrım alğanda Tönyaq Koreağa qarşı Amerika belän berektäşlek öçen xärbilär cibärergä tieş digän argument alğa sörä.

färidä xämit,praga
XS
SM
MD
LG