Accessibility links

Кайнар хәбәр

Tatar yäşlär forumına qunaqlar kilä başladı


Qazan qunaqxanälärendä bäyrämçä canlanu sizelä. Dönyanıñ törle poçmaqlarınnan kilgän tatar yäşläre, forumnıñ räsmi töstä açılğanın kötmiçä, inde tanışa, aralaşa başladı. «Azatlıq» radiosı xäbärçese aldında, 20 keşedän torğan Üzbäkstan delegatsiäse, Qazan hawa alanı reysı käğäzlären yabıştırğan çemodannarın kütärep kerep kittelär. Yullar beraz ardırsa da, küzläre yanıp tora ide yäşlärneñ. Forumda alar citdi söyläşülärdän tış, konsert programmasın da äzerläp kilgännär ikän. Üzbäkstan belän Finländiädän tış, Ukraina, Qazaqstan, Törkiä, Latviä yäşläre dä kilep citte. Tömän tatar yäşläre dä Qazanda inde. Başqortstan, Mäskäw, Piterbur tatar yegetlären-qızların kötälär.

:Tatar yäşlär forumın ütkärügä barısı da äzer. Ul 24 iyündä üz eşen başlap cibärä. Berençe itep, yäşlär Qazan belän tanışaçaq, annan soñ alarnı milli zıyalılar belän oçraşu häm «Qazan» biü ansambleneñ konsertı kötä. Ä Kiçe säğät 10nda, Soltanğaliev mäydanında kiçke uyınnar ütkärelergä tieş. Anda Qazan yäşläre dä çaqırulı.

Bikä Timerova.

XS
SM
MD
LG