İranda totqarlanğan Britanäle 8 xärbi diñgezçeneñ yazmışı älegä bilgesez bulıp qala. İran sularına qanunsız kerüdä ğäyeplängän 3 xärbi köymä düşämbe könne totqarlanğan ide. Bügen İran Tışqı eşlär ministrlığı başta alar irekkä çığarıldı, dip belderde, soñnan bu xäbären kire qaqtı. İrannıñ, ğäräp telendä tapşıruçı Äl-Alam televideniese, 8 xärbine Britan räsmilärenä tapşıru irtägägä qädär kiçekterelä, dip xäbär itte. İrannıñ räsmi İRNA agentlığı, tikşerülär şunı kürsätte, bu 8 xärbi 3 köymä belän İran sularına xata belän kergän, alarnıñ yaman niäte bulğağan, dip xäbär itte. Britaniä räsmiläre äytüençä, Ğiraq köçlären öyrätü belän şöğellängän bu törkem, Ğiraq belän İrannı ayırıp torğan Şat Äl-Arab boğazında totqarlanğan.
