Accessibility links

пәнҗешәмбе, 8 декабрь 2016, Казан вакыты 11:08

Хäydär Bigiçev tawışı yañğıradı


24 iyün könne S. Säydäşev isemendäge Zur konsert zalında Xäydär Bigiçev cırlağan cırlar tuplanğan audio cıyentıq, (muzıkal' tälinkäne) täqdir itü kiçäse uzdı.Ğ.Tuqay büläge iäse,Tatarstannıñ –xalıq, Rusiä Federatsiäseneñ atqazanğan artistı Xäydär Bigiçevnıñ istälegenä, anıñ cırlarınnan tuplanğan muzıkal' tälinkäne täqdir itü kiçäsen oyıştıruda anıñ tormış iptäşe Zöhrä Säxäbieva zur tırışlıq kürsätte. Şulay uq Tatarstan mädäniät ministrlığı häm M.Cälil isemendäge Tatar opera häm balet teatrı yärdämendä uzğan bu kiçädä tanılğan sänğät ähelläre: Zilä Söngätullina, Venera Ğanieva, Ayrat Arslanov, Zöhrä Säxäbiewa, Galina Lastovka, Rafael' Säxäbiev, , Mönir Yakupov, Säit Reimbäkov, Ferdinand Säläxovlar qatnaştı. Kiçädä, Tatar opera häm balet teatrı solistı Xäydär Bigiçev üze isän çağında başqarğan cırlarnı , arialarnı , wideotasmadan qararğa häm tıñlarğa mömkinçelek buldı.Ul başqarğan cırlardan tözelgän muzıkal' tälinkäne satıp aluçılar da küp buldı. Xalıqara tanılğan spektakl'lärdä Xäydär Bigiçev başqarğan töp partiälär belän mäsälän: P.Çaykovskinıñ “Piki daması”nnan German ariäse, J.Bizeneñ “Karmen”operasınnan Xoze ariäse , DJ.Verdineñ- “Otello” operasınnan Otello ariäları belän berrättän, tatar muzıka sänğäteneñ altın fondına kergän Röstäm Yäxinnıñ “Kerim äle urmannarğa ”isemle cırı belän dä Xäydär Bigiçev xalıq küñelenä kerep qaldı,häm yäşi.(Bu cırdan özek yañğırıy.) audio

Özelgän cır kebek,bik yäş kileş, özelde anıñ ğömere. Ämma bu kiçä, bähäläp betermäslek cäwhärlärneñ moñı, xalıq küñelendä onıtılmawın dälilli. Mälikä Basır, Qazan.

XS
SM
MD
LG