Accessibility links

Кайнар хәбәр

Qazanda Tatar Yäşläre Forumı başlandı


Küpçelek qunaqlar kilep citkän, qunaqxanälärgä urnaşqan. Forumnıñ berençe eş könendä alar Qazan belän tanışta häm milli zıyalılar belän oçraşa. Rusiä, BDB häm Baltiq illärdä yäşäwçe yegetlärneñ häm qızlarınıñ qaysıberlären ata-babalar Watanın berençe kürä. Şuña, Qazan belän küreşüdän qaysıberläre dulqınlanu, soqlanu, ğäcäplänü xislären kiçerä. Bu xaqta alar üzläre äytte. Şulay uq, bügen alar berençe tapqır tatar yazuçıların şağirlären kürä. Razil Wäliev, Tufan Miñnullin häm başqa yazuçılar, şağirlär, cämäğät eşlekleläre bik teläp yäşlär belän oçraşırğa rizalaşqan di. Delegatlar, äle eşlekle möhitkä kerep kenä barğanda, oyıştıru ştabı tulı qüätkä eşläp tora. Kongressnıñ çit il watandaşları belän eşläw bülege xezmätkärläre Röstäm Ğäynetdinov, «Azatlıq» radiosına beldergänçä, qatnaşuçılarnıñ 80% inde kilep citkän. 25 mayda forumda, tatar kongressındağı sıman, başqarma komitet saylanaçaq. Forum ike yılğa ber märtäbä ütkäreler dip kötelä. Cıyılışlar arasında forumnıñ başqarma komitetı eşläp torır dip uylanıla. Forumda şulay uq, 21 keşedän torğan idärä saylarğa täqdim itelä. Alar Rusiä, BDB häm yıraq çit il tatarları wäkillärennän torırğa tieş. Şuşı idärä başqarma komitetınıñ räisen saylar dip kötelä. Nämzätlärneñ isemnäre äle bilgele tügel.

Bikä Timerova.

XS
SM
MD
LG