Ğiraqnıñ Sälämätlek ministrlığı belderüençä, bügen ilneñ tönyaq häm üzäk öleşlärendä, oyışqan xöcümnär näticäsendä, kimendä 60 keşe hälaq bulğan. Tönyaqtağı Mosul şähärendä maşina bombası şartlaw näticäsendä 40 keşe ülgän, 200 çaması yaralanğan. Baquba şähärendä ğisyançılar belän bulğan bäreleşlärdä 17 Ğiraqlı häm 2 amerikan xärbie hälaq bulğan. Äl-Cäzirä televideniese Baqubada, bitläre yabılğan ğisyançılarnı kürsätte. Alar üzlären Äbü Musab Äl-Zaqawi tarafdarı dip belderä. Çığışı belän İordaniädän bulğan Äl-Zarqawi Äl-Qaidä çeltäre belän elemtädä tora dip sanala. Bügen ber amerikan boralağı Falluca tiräsendä töşep utırırğa mäcbür buldı. Qorbannar yuq dielä. Amerikan xärbiläre älegä añlatma birmäde. Bäreleşlär şulay uq, Ramadi häm Bağdadta bulğan.
