Accessibility links

шимбә, 3 декабрь 2016, Казан вакыты 16:50

İnguşetiädä düşämbe xöcümnärendä ülüçelär sanı 98gä citkän


İnguşetiä xökümäteneñ idarä başlığı Timur Moguşkov süzlärençä, düşämbe könne bulğan xöcümnär näticäsendä 98 keşe hälaq bulğan, 104-e yaralanğan. Ülgännärneñ 23-e sivil keşelär, qalğannarı militsiä häm iminlek xezmätkärläre, dide ul. 3 mäyetneñ kem ikäne älegä açıqlanmağan. Rusiä prezidentınıñ könyaqtağı wäkile Vladimir Yakovlev süzlärençä, xöcümçelärneñ kübese cirle xalıq bulğan. 200-300 qorallanğan keşeneñ kürşe respublikadan kilüe mömkin tügel, dide ul. Bu xöcümnärgä bäyle räweştä 5 keşe totqarlanğan. Rusiä prezidentı Vladimir Putin İnguşetiägä östämä ğäskär cibäreläçäk dide:

Audio (Vladimir Putin)

"Bez Tönyaq Kavkazda köçlärne arttıraçaqbız, şul isäptän xärbi köçne. Nazran'dä eçke ğäskär polkın urnaştıru qarar itelde, şulay uq, Saqlanu ministrlığı bülekläre dä nığıtılaçaq."

Putin, düşämbe xöcümnären oyıştıruçılarnı yuq itergä wäğdä itte.

XS
SM
MD
LG