Accessibility links

якшәмбе, 4 декабрь 2016, Казан вакыты 23:30

İranda totqarlanğan Britan xärbiläre irekkä çığarıldı


3 kön elek İranda totqarlanğan Britaniäneñ 8 xärbi diñgezçese bügen Tähranda Britan räsmilärenä tapşırıldı. Britan tışqı eşlär ministrı Jack Straw İran tışqı eşlär ministrı Kamal Xaraziğa mäsäläne çişüdä yärdäm itkän öçen räxmät belderde. "Britaniä, İran belän eş itü säyäsätenä tuğrı qala" dide ul:

Audio (Jack Straw)

"Bez İran belän diplomatik mönäsäbätlär totabız. Qayçaq bu bik qatlawlı, şuña da qaramastan, İran xökümäte belän eş itü, minemçä, iñ döres säyäsät."

Düşämbedä, İran belän Ğiraq arasındağı Şat Äl-Arab boğazında Britaniäneñ 3 xärbi köymäse totqarlanğan ide. Tähran alarnı İran sularına kerüdä ğäyepläde. Britan saqlanu ministrlığı belderüençä, bu 8 xärbi Ğiraqnıñ çik saqçılarına künegülär birgän.

XS
SM
MD
LG