Baş möfti Tälgät Tacetdin citäklägän Möselmannarnıñ Üzäk diniä näzaratı tağın da Rusiä häm dönya cämägätçelege iğtibarın üzenä cälep itü çarasın taptı. Üzäk diniä näzaratı Amerikä Quşma Ştatlarınıñ islam dinle däwlätlärdä üz qanunnarın urnaştırırğa, üzläreneñ könbatış demokratiälären köçläp tağarğa mataşularına qarşı belderü belän çıqtı. Anda Yaqın Könçığış däwlätlärendä AQŞ alıp barğan säyäsät kisken tänqit utına totıla. Niçek yäşärgä kiräklegen islam illäre xalıqları üzläre xäl itärgä tieş, ä Amerikä tügel, digän näticä yasala bu belderüdä.
