Accessibility links

чәршәмбе, 7 декабрь 2016, Казан вакыты 13:44

Qıtay bügen Tönyaq Korea turındağı söyläşülärgä komentar birde


Qıtay tışqı eşlär ministırlığı süzçese Zhang Qiyue altılı söyläşülärdä Tönyaq Koreanı atomsız xälgä kiterü öçen berençe adım bularaq anıñ atom programmasın tuñdıru turında konsensusqa ireşelde dip belderde. Süzçe Pekingdä Tönyaq Korea turında bilgelängän 4 könlek söyläşülärneñ öçençe könendä yasağan belderüendä ireşelgän kileşüne möhim säyäsi konsensus dip bäyäläde. Zhang bolay dide: (audio) Bügenge söyläşülär açıq häm näticäle ide.Qatnaşuçılarnıñ hämmäse dä, Tönyaq Koreanı atomsız xälgä kiterü öçen berençe adım bularaq anıñ atom programmasın tuñdırunı xuplap çıqtı Bu, söyläşülärdä ireşelgän möhim säyäsi konsensus bulıp tora . Zhangnıñ şuşı komentarı kiçä Tönyaq Korea wäkilçelegeneñ Quşma Ştatları belän ikele söyläşüendä atom qoralı sınawı ütkärü belän kisätüennän soñ yasaldı. İrtägä tämamlanaçaq söyläşülärgä Tönyaq Korea, AQŞ, Qıtay, Könyaq Korea , Yaponiä häm Rusiä qatnaşalar.Monnan evelge 2 raund söyläşülär bäxäsne çişüdä bernindi möhim progres bulmıy tämamlandı.

XS
SM
MD
LG