Accessibility links

чәршәмбе, 7 декабрь 2016, Казан вакыты 00:58

AQŞ-Yevropa Berlege sumitı tämamlandı


Bügen İrlandiädä Yevropa Berlege citäkçeläre belän oçraşqan AQŞ prezidentı G.Bush Ğıraq mäsäläsendä berdämlek buldırırğa omtıldı. Citäkçelär Ğıraq xärbilären künegülärdän ütkärüne yaqlasa da , alar ällä ni konkret yardäm täqdim itmäde

2meñ ğäskär 4meñ politsiä tarafınnan saqlanğan summit 16nçe ğasır Dromoland nığıtmasında ütte. Prezident Bushnı kiçä Dublindä 5meñ çaması demonstrant protestlar belän qarşı aldı(audio) Summitnı tämamlağan press konferensiä dä soñlap başladı, Çönki protest belderüçelär jurnalistlar utırğan aftobuslarnı toqqarlap, alarnıñ soña qaldırdı. Äfganstan, yaqın könçığış, global terrorizm, säwdä , SPİD çirenä qarşı köräş kebek bik küp mäsälälär qısqa sumitnıñ köntärtibendä torsa da,in möhim mäsälä bulıp Ğıraq konflktı häm çärşämbedä xakimiätne waqıtlı Ğıraq xökümätenä tapşıru tordı. Bilgele ki Trans Atlantik mönäsäbätläre Ğıraq suğışı säbäple ällä ni yaxşıdan bulmasa da, Yevropa Berlegeneñ älege prezidentı İrlandiä premyere Ahern BMO İminlek Şurasınıñ Ğıraqnıñ yaña xökümäten yaqlağan resolutsiäsenä qul quyu belän bäxäs bette dip äytkän ide kiçä.Summit azağında AQŞ häm berlekeneñ Ğıraq turında iğlan itkän urtaq belderüdä bolay dielgän: NATOnıñ Ğıraqta zurıraq rol aluın yaqlıybız, NATO Ğıraq iminlek köçlären kündegüdän ütkärüdä yardäm itäçäk . Ğıraqnıñ 120milliard dollar dip farazlanğan burıçların kimetü dä bar belderüdä Summit azağındağı press konferensiädä G.Bush NATO Ğıraqnıñ totrıqlandıruda yardäm itergä tieş, suğış turındağı fiker ayırmalıqları bette dip äytte, mätbuğat oçraşuı waqıtında . G.Bush AQŞ, Törkiäne Yevropa Berlegeneñ kiläçäk äğzası bularaq kürergä teli dide(audio) Törklär bik ğorurlu xalıq, alar islam traditsiälären yevropa kemlege belän uñışlı räweştä alıp bara. Törkiä Yevropa Berlege standartlarına ireşkän waqıt Berlek anıñ belän söyläşülär başlarğa häm Törkiä tulı äğza bulırğa tieş dip söyläde Amerika citäkçese. Prezident Bush bügen Ankarağa kilä .

färidä xämit,praga
XS
SM
MD
LG