Accessibility links

шимбә, 10 декабрь 2016, Казан вакыты 10:12

AQŞ İrannıñ atom sentrifugaların eşlätä başlaw qararına borçılu belderä


Bügen İstanbuldan Britaniäneñ BBC kanalına birgän äñgämäsendä amerikan saqlanu ministrı Donald Rumsfeld, İrannıñ atom programması öçen yañadan sentrifugalar yasıy başlaw qararın täñqitläp, Tährannı döreslekne yäşerep kilüdä ğayepläde. Ul şulay uq repressiv İran xökümäte böten töbäkkä naçar tä'sir itä, dide. Quşma Ştatları, İran atom qoralın citeşterä, dip şiklänä, İran monı kire qağa. İran tışqı eşlär ministrlığınıñ matbuğat wäkile Hamid Reza Asefi, Tähran sentrifugalarnı kiläse sişämbe eşläp çığara başlıyaçaq, dip belderde. Ämma Tähran uran bayıtu programmasın tuqtatıp toraçaq, dide ul. Xalıqara Atom agentlığı başlığı Möhammad ElBaradei, İran üzeneñ bu qararın üzgärter, digän ömet belderde: "Alar sentrifugalar citeşterü, anıñ öleşlären cıyu häm sınaw eşlären başlarğa cıyınuların xäbär itte. Xatta şulay yazılğan. Min, bu adım – söyläşülärne totqarlamas, häm waqıtlı ğına bulır dip ömetlänäm. Şulay uq alar bu eşne tuqtatır, dip ömetlänäm. Ämma alar belän äle eşne däwam itü kiräk" dide Möhammäd ElBaradei.

XS
SM
MD
LG