24nçe iyündä başlanğan tatar yäşläre forumı şimbä könne Mari–El' respublikasınıñ başqalası Yoşkar–Olada ütkän federal' Sabantuyında däwam itte. 15 töbäktän kilgän qızlar-yegetlär milli bäyrämgä Qazannan 12 avtobusqa töyelep bardı. Sabantuyğa irtänge altı tulğanda çıqqan forumçılar yulda ike-öç tuqtalış yasap, Yoşkar-Olağa säğät unnarda barıp citte. Şähärneñ “Duslıq” stadionında oyıştırılğan milli bäyrämdä avtobustan töşkän forumçılarnı Sabantuynıñ oyıştıruçıları qarşı aldı. Häm yäşlärgä törle töstäge alämnär, sölgelär tottırıp, alarnı bik üzençälekle ber tözeleşkä dä bastıra başladılar. Bişär keşedän torğan här rätneñ urtasında aläm totuçı ber yeget häm anıñ yanında sölgelär totqan dürt qız bara. Rätlär ber-berse belän bäylängän kebek ide, çönki çittä toruçı qızlar ike sölgeneñ qızıl, yäşel kebek törle tösle çitlären quşıp tottılar. Oyıştıruçılar äytüençä, mondıy tözeleş törle töbäklärdän kilgän tatar yäşläreneñ berdämlegen kürsätä.
Bäyrämneñ räsmi açılışın beraz kötärgä turı kilde. Şuña östäp köne dä qızu bulğanğa, yäşlärneñ käyefläre beraz töşkän ide. Ämma tantana başlanu belän tatar yäşläreneñ berdämläşep, alämnär, sölgelär totıp, mäydan buylap atlawı böten şiklänülärne cilgä oçırdı, dulqınlandırdı, milli xislär uyattı.
Tantanada Mari-El' respublikasınıñ citäkçelege isemennän Yoşkar-Ola xakimiäte başlığı Mixail Tarkov çığış yasadı. Tatarstannıñ räsmi delegatsiä citäkçeläre arasında premyer-ministr urınbasarı Zilä Wälieva, Bötendönya tatar Kongressı räise Rinat Zakirov ta bar ide. Alar Sabantuyğa cıyılğan barlıq tatarlarnı da Yoşkar-Olada federal' däräcädä ütüçe milli bäyräm belän qotladılar. Sabantuyğa cıyılğan tatarlar Tatarstan prezidentı Mintimer Şäymievnıñ milli bäyräm belän qotlaw xatın bik cılı qabul ittelär.
Bäyrämneñ räsmi öleşennän soñ barı tik Sabantuyğa xas bulğan milli uyınnar: köyäntälär totıp yögerü, bağanağa menü häm köräş başlandı. Şul uq waqıtta küpçelek tamaşaçı säxnädä barğan matur ğına konsert qaradı. Marilarnıñ cır-iyülläre belän berrättän Qazan qunaqları Mirsäyet Sönğatullin, Rezeda Şäräfieva, Färidä-Alsu duetı çığış yasadı. Häm şul uq waqıtta mäydannıñ ikençe yağında şaw-gör kilep satu eşläre dä bardı. Xalıq çın küñeldän yal itte. İppodromda ütkän atlar çabışı da bik qızıqlı bulğan dilär.
Forumçılar Sabantuynıñ räsmi öleşe uzğaç, ayırım törkemnärgä bülenep, küpçelek xalıq arasında “erede” diärgä bula. Ukraina, Estoniä, Finlyandiä, Törkiä, törle Rusiä töbäklärennän kilgän tatar yäşläre dä milli uyınnarında qatnaşıp, konsert qarap küñellären açtı. Bu Sabantuy Qazannan baruçılar öçen ozaq häm qaynar säyäxät buldı. Avtobuslarğa töyelep, tağı 150 çaqrım ütep, Qazanğa qaytqanda kiçke säğät sigez tulğan ide. Yäşlär şaqtıy arıdı, ämma alarnıñ ruxları kütärenke ide. Uzğan yıl Dmitrovgradta, ä bıyıl Yoşkar-Ola kebek keçkenä mari şähärendä bik küp xalıq cıyılıp federatsiä külämendä Sabantuylar ütü, Qazannan çittä toruçı tatarlarnı milli bäyrämnärgä, ruxi berdämlekkä yaqınaytır öçen oyıştırılğan ide.
Al'bina Zäynulla, Qazan.
Bäyrämneñ räsmi açılışın beraz kötärgä turı kilde. Şuña östäp köne dä qızu bulğanğa, yäşlärneñ käyefläre beraz töşkän ide. Ämma tantana başlanu belän tatar yäşläreneñ berdämläşep, alämnär, sölgelär totıp, mäydan buylap atlawı böten şiklänülärne cilgä oçırdı, dulqınlandırdı, milli xislär uyattı.
Tantanada Mari-El' respublikasınıñ citäkçelege isemennän Yoşkar-Ola xakimiäte başlığı Mixail Tarkov çığış yasadı. Tatarstannıñ räsmi delegatsiä citäkçeläre arasında premyer-ministr urınbasarı Zilä Wälieva, Bötendönya tatar Kongressı räise Rinat Zakirov ta bar ide. Alar Sabantuyğa cıyılğan barlıq tatarlarnı da Yoşkar-Olada federal' däräcädä ütüçe milli bäyräm belän qotladılar. Sabantuyğa cıyılğan tatarlar Tatarstan prezidentı Mintimer Şäymievnıñ milli bäyräm belän qotlaw xatın bik cılı qabul ittelär.
Bäyrämneñ räsmi öleşennän soñ barı tik Sabantuyğa xas bulğan milli uyınnar: köyäntälär totıp yögerü, bağanağa menü häm köräş başlandı. Şul uq waqıtta küpçelek tamaşaçı säxnädä barğan matur ğına konsert qaradı. Marilarnıñ cır-iyülläre belän berrättän Qazan qunaqları Mirsäyet Sönğatullin, Rezeda Şäräfieva, Färidä-Alsu duetı çığış yasadı. Häm şul uq waqıtta mäydannıñ ikençe yağında şaw-gör kilep satu eşläre dä bardı. Xalıq çın küñeldän yal itte. İppodromda ütkän atlar çabışı da bik qızıqlı bulğan dilär.
Forumçılar Sabantuynıñ räsmi öleşe uzğaç, ayırım törkemnärgä bülenep, küpçelek xalıq arasında “erede” diärgä bula. Ukraina, Estoniä, Finlyandiä, Törkiä, törle Rusiä töbäklärennän kilgän tatar yäşläre dä milli uyınnarında qatnaşıp, konsert qarap küñellären açtı. Bu Sabantuy Qazannan baruçılar öçen ozaq häm qaynar säyäxät buldı. Avtobuslarğa töyelep, tağı 150 çaqrım ütep, Qazanğa qaytqanda kiçke säğät sigez tulğan ide. Yäşlär şaqtıy arıdı, ämma alarnıñ ruxları kütärenke ide. Uzğan yıl Dmitrovgradta, ä bıyıl Yoşkar-Ola kebek keçkenä mari şähärendä bik küp xalıq cıyılıp federatsiä külämendä Sabantuylar ütü, Qazannan çittä toruçı tatarlarnı milli bäyrämnärgä, ruxi berdämlekkä yaqınaytır öçen oyıştırılğan ide.
Al'bina Zäynulla, Qazan.
