Accessibility links

якшәмбе, 4 декабрь 2016, Казан вакыты 01:03

Yäşlär forumı yomğaqları


Yäşlär forumı tämamlandı, qunaqlar taraldı. İnde xäzer uylanırlıq, näticä yasar waqıt citte. Ömetlär aqlandımı, forumnıñ näticäse nindi? Bu sorawnı xäzer Qazannan qaytqan 1nçe yäşlär forumınıñ delegatlarına birälär. Qazanda yäşlär gel söyläşep tuya almadı şikelle. Kön buyı essedä, yulda yörügä qaramastan, üz teläkläre belän cıyılıp, tönge söyläşülär uzdırdı. Mäsälän, andıy räsmi bulmağan tönge forum, şimbä kiçäsendä buldı. Ul Qazan avia-citeşterü oyışması qunaqxanäse qarşında uzdı, anda forum qunaqları yäşägän tağın 2urınnan wäkillär kilde häm qunaqxanä täräzälärennän töşkän ut yaqtısında tönge forum başlandı. Söyläşü urısça bardı. Ästerxan yegete üz oyışmasınıñ töp eş yünäleşläre xaqında äytte, Sarıtaw tatar yäşläre wäkile tanışular klubı oyıştırırğa telibez, qaysığız täcribä urtaqlaşa ala, dip soradı, Nijğar yäşlärennän bulğan yeget, möselmannar öçen oyıştırılğan andıy tanışular saytı xaqında mäğlümat birde, häm, üz çiratında, şayan möselmannar uyının Böten Rusiä däräcäsendä ütkärergä çaqırdı. Komi respublikasınıñ Uxta şähäre tatarı, mäçet tözeleşe öçen röxsät alu niqädär awır ikänen añlattı. Ästerxan häm Belorussiä yegetläre häm qızları, forumnıñ bäxäsläşep, irkenläp söyläşep utıra torğan öleşläre kübräk bulsın ide, bezgä citmäde, dip belderdelär. Mäskäw tatar yäşlärennän kilgän qızlar, äydägez ikençe yulı bezdä cıyılabız, digän täqdim kertte. Samara ölkäse wäkile, Bolğarda da räsmi bulmağan forum ütkärep bula, dip östäde. Qunaqxanä işek töbendä tügäräkläp torğan yäşlär aldına, yä berse, yä ikençese çığıp söyläde. Fikerlär äytelde, yäşlär küpmeder tınıçlandı. Axırdan yäşlär kiläçäktä ber-bersen yuğaltmasqa, gel aralaşıp torırğa, hiç yuğı, internet häm ğadi poçta aşa xat alışırğa buldı.

Forum matbuğatta da çağılış taptı. Berniçä Rusiä gäzite qısqa-qısqa xäbärlär bastırdı. Bişkäk häm Tübän Novgorod mäğlümat agentlıqları delegatsiälärneñ kitüe xaqında mäğlümat birde. Tatarstannıñ urıs telle gäzitläre dä xäbärlär bastırıp tordı.Tatar gäzitlärendä forum ayıruça kiñ çağılış taptı. Anda qunaqlarnıñ kilüe, cıyılışlardan xisaplar, tantanalardan räsemnär, berençe urın alıp bardı, şul isäptän «Azatlıq» radiosında da. Kiläse forum nindi bulır, yaña saylanğan yäşlär oyışmasınıñ idäräse, anıñ citäkçelege nindi eş başqarır, «Azatlıq» radiosında söyläp barırğa wäğdä itäbez.

Bikä Timerova.

XS
SM
MD
LG