Accessibility links

Кайнар хәбәр

İstanbulda NATO sammitı tämamlandı


Bügen İstanbulda NATOnıñ 2 könlek sammitı tämamlandı. Alyans citäkçeläre Ğiraqnıñ iminlek köçlären öyrätüdä yärdäm itergä, häm Äfğanstanğa östämä ğäskär cibärergä kileşte. Quşma Ştatlarnıñ, Ğiraqqa NATO xärbilären cibärü täqdime ütmäde. Ğiraq köçlären öyrätügä kilgändä dä, älegä sorawlar qala. Äytik, Fransiä kebek illär bu künegülärne Ğiraqnıñ üzendä ütkärergä telämi. Äfğanstan prezidentı Xämid Karzai Äfğanstanğa östämä ğäskär cibärü qararına xuplaw belderde; häm sintäber saylawlarına qädär ildäge wazğiätne yaxşırtu öçen, bu eşne mömkin qädär tizräk eşlärgä soradı. "Äfğan xalqına iminlek bügen kiräk, irtägä tügel", dide ul. NATO citäkçeläre şulay uq, Rusiä häm Ukraina räsmiläre belän oçraştı. Alyans räsmiläre Rusiäne Gruziä häm Moldovadan ğäskär çığaru wäğdälären ütärgä, Ukrainanı – demokratik üzgäreşlärne tizäytergä çaqırdı.
XS
SM
MD
LG