Accessibility links

якшәмбе, 11 декабрь 2016, Казан вакыты 05:20

Nursoltan Nazarbaev Qazan belän tanışa


Tatarstanda yünneñ soñğı köneneñ töp räsmi xäbäre bulıp Qazanğa Qazaqstannıñ prezidentı Nursoltan Nazarbaevnıñ vizitı buldı. Sişämbe kiçen kilep citkän Nazarbaevnı Qazan hawa alanında Mintimer Şäymiev qarşı aldı. İke prezidentnıñ şaqtıy cılı oçraşuınnan soñ, alarğa çäk-çäk häm çäçkälär birelde. Çärşämbe könne Mintimer Şäymiev belän Nursoltan Nazarbaev Qazanda ütä torğan fänni konferensiädä qatnaştılar. Ğalim Lev Gumilev mirasına bağışlanğan konferensiädän soñ, şul uq çärşämbe könne Qazan kremlendä ike prezidentnıñ oçraşuı ütte.

Anardan soñ Şäymiev belän Nazarbaev jurnalistlar belän oçraştı, üzläreneñ söyläşüläreneñ temaları, anıñ näticäläre belän tanıştırdı. Süz, nigezdä, Qazaqstan belän Tatarstan arasındağı xezmättäşlekne üsterü turında barğan. Şuşı söyläşülärne ğämälgä küçerü öçen Nursoltan Nazarbaevnı könneñ ikençe yartısında Qazannıñ aviatsiä berläşmäsenä alıp barıp, älege şirkätneñ produktsiäse belän tanıştırdılar. Şunda uq, Gorbunov isemen yörtkän bu şirkät çığaruçı oçqıçlarnı eştä dä täqdim itkännär. Eşlekle vizitnıñ kön tärtibe şaqtıy tığız bulsa da, anda Qazan belän tanışu, başqalanıñ meñyıllığına äzerlek xaqında beleşügä dä urın bar. Nursoltan Nazarbaevqa Qazannıñ yaña tözeleşlären dä kürsätäçäklär.

Qazaqstan prezidentı belän kilgän başqa qunaqlarnıñ eş programması da bik tığız. Mäsälän, respublikanıñ premyer-ministrı Röstäm Miñnexanov Qazaqstannıñ säwdä ministrı belän söyläşte, Tatarstan parlamentı wäkilläre üzläreneñ kollegaları belän oçraştı.

Gölnaz İlgizär

XS
SM
MD
LG