Accessibility links

якшәмбе, 4 декабрь 2016, Казан вакыты 09:10

Saddam Xösäyen Ğiraqnıñ waqıtlı xökümätenä tapşırıldı


Ğiraqnıñ bärep töşerelgän prezidentı Saddam Xösäyen häm anıñ 11 yaqın tarafdarı bügen ilneñ waqıtlı xökümäte qaramağına tapşırıldı. Ğiraq törmäsenä küçerelsä dä, alar küpmeder waqıt amerikan xärbiläre sağı astında qalaçaq. Uzğan yılnıñ dikäberendä qulğa alınğan Saddam, üzenä belderelgän ğäyepläwlärne işetü öçen, irtägä mäxkämä aldına basır dip kötelä. Mäxkämä eşen alıp baraçaq Sälim Çalabi süzlärençä, 67 yäşlek Saddamnıñ xäle yaxşı kürenä. Saddamnıñ advokatı Möxämmät Raşdan bu mäxkämä qanunsız bulaçaq dip belderde:

Audio (Möxämmät Raşdan)

"Bu qanunsız suğış, qanunsız mäxkämä, qanunsız xäkimnär, barısı da qanunsız."

Saddamğa suğış cinäyätläre qıluda ğäyepläwlär beldereler dip kötelä. Şul isäptän, 1988 yılda kördlärgä qarşı ximik qoral qullanu, 1990 yılda Küwäytkä basıp kerü, 1980-88 yıllarda İran belän suğış başlaw.

XS
SM
MD
LG